Միջագետքի քաղաքակրթությունն իր սկիզբն առնում է Հայաստանից

Միջագետքի քաղաքակրթությունն իր սկիզբն առնում է Հայաստանից

PanARMENIAN.Net - Շենգավիթի պեղումների ժամանակ հայտնաբերված եզակի գտածոները հաստատում են, որ Հայաստանը մետաղագործության, ոսկերչության, գինեգործության ու ձիաբուծության հայրենիքն է: Ամեն ինչ ապացուցում է, որ մ.թ.ա 4-3 հազար տարի առաջ Հայաստանը զարգացած պետություն է եղել, բացառիկ մշակույթի կրող: Նման եզրակացության է հանգել այդ հինավուրց բնակատեղին ուսումնասիրող հնագետների խումբը: Պեղումներն անց է կացնում հայ-ամերիկյան հնագիտական գիտարշավը:

«Օրինակ, Շենգավիթի տարածքում հայտնաբերված ապակյա ուլունքներն իրենց որակով գերազանցում են Եգիտոսում հայտնաբերվածները: Իսկ այդ տարածքում հայտնաբերված ձիերի ոսկորների քանակը գերազանցել է հետազոտողների բոլոր ակնկալիքները: Այդ առնչությամբ, գերմանացի հնեակենդանաբան Հանս Պիտեր Ուերթմանը հայտարարել է, որ այդ քանակությամբ ձիերի ոսկորներ նա չի տեսել ողջ Հին Արևելքում: Արհեստանոցներում հայտնաբերվել են մեծ քանակությամբ քարե գործիքներ: Իսկ պղնձագործության հետքերը թույլ են տալիս դատել այն մասին, որ Հայաստանում կանոնավոր բրոնզի արտադրություն կար»,- հուլիսի 2-ին տեղի ունեցած մամլո ասուլիսում հայտարարել է ՀՀ մշակույթի նախարարությանն առընթեր պատմամշակութային ժառանգության գիտահետազոտական կենտրոնի տնօրեն, Հակոբ Սիմոնյանը: «Դա միայն սկիզբն է: Մեզ դեռևս բազում անակնկալներ են սպասում»,-հավելել է նա:

Իր հերթին մարդաբանության բաժնի ղեկավար, Փենսիլվանիայի համալսարանի դասախոս Միշել Ռոտմանը հայտարարեց, որ ամեն ինչ վկայում է այն մասին, որ մոտավորապես մ.թ.ա 3-րդ հազարամյակում Շենգավիթի մշակույթը տարածվեց հին աշխարհով մեկ: «Այն ամենն, ինչ կարողանում էին անել Միջագետքում, դուրս է եկել Հայաստանից: Հայաստանն է հին աշխարհի քաղաքակրթությունների խճանկարի բացակայող տարրը: Շենգավիթը լրացրեց այն բոլոր թերի օղակները, որոնց մենք բախվում ենք Միջագետքի հին մշակույթն ուսումնասիրելիս»,-հավելել է Ռոտմանը:

 Ուշագրավ
Ներկայում բոլոր ծառայությունները վերականգնված են և հասանելի են պատշաճ որակով
Հունիսի 29–ից հուլիսի 3–ն ընկած ժամանակահատվածում Հայաստանում առանց տեղումների շոգ եղանակ է սպասվում, օդի ջերմաստիճանը կբարձրանա 4–5 աստիճանով
Թե ինչ իրավունքներ ունի հավաքի ժամանակ բերման ենթարկված կամ ձերբակալված քաղաքացին
Վաղ առավոտյան ցուցարարները սկսել են կազմակերպված ձևով հավաքել պիկետի անցկացման վայրում կուտակված աղբը
#ElectricYerevan. Թվապատում

Հունիսի 19-ից Երևանում մասշտաբային բողոքի ցույցեր են հոսանքի սակագնի բարձրացման դեմ: Չնայած վերջին օրերին «Էլեկրական Երևան» կամ #ElectricYerevan անունը ստացած բողոքի ինտենսիվությունն ընկել է, ցուցարարները շարունակում են փակ պահել Բաղրամյան պողոտան: