  Հայաստանի, Վրաստանի և Իրանի հաշմանդամների իրավունքների պաշտպանության կազմակերպությունները համագործակցություն են սկսում 29 հուլիսի 2010 - 15:05 AMTPanARMENIAN.Net - Հայաստանում Իրանի Իսլամական Հանրապետությունը և «Ունիսոն» հասարակական կազմակերպությունը հայտարարում են հաշմանդամության վերաբերյալ շարադրությունների, էսսեների և հոդվածների մրցույթ: Այս մասին հուլիսի 29-ին տեղի ունեցած մամլո ասուլիսի ժամանակ հաղորդել է Հայաստանում Իրանի Իսլամական Հանրապետության դեսպանատան մշակույթի հարցերով խորհրդական Մոհամադ Շաքիբանը: Մրցույթին մասնակցելու համար դիմումներն ընդունվում են մինչև նոյեմբերի 15-ը: Մրցույթին կարող է մասնակցել յուրաքանչյուր հայաստանաբնակ, անկախ տարիքից և մասնագիտությունից: Մրցույթի արդյունքները կամփոփվեն Հաշմանդամների միջազգային օրը` դեկտեմբերի 3-ին: «Հաշմանդամներին հիշում են միայն այդ օրը, և մրցույթը խթան կդառնա, որպեսզի բնակչությունը հետաքրքրվի հաշմանդամ մարդկանց հիմնախնդիրներով», - ընդգծել է «Ունիսոն» ՀԿ-ի նախագահ Արմեն Ալավերդյանը: Նա հայտնել է նաև մեկ այլ ծրագրի մեկնարկի մասին, որն իրականացվում է Նորվեգիայի կառավարության աջակցությամբ: Այդ ծրագիրը նախատեսում է Հայաստանի, Վրաստանի և Իրանի հաշմանդամների իրավունքների պաշտպանության կազմակերպությունների միջև համագործակցության ամրապնդման և փորձի փոխանակման տարբեր միջոցառումներ: «Այդ համագործակցությանը կօգնի նաև չորս լեզվով կայքէջի ստեղծումը, որտեղ տեղադրվելու են տեղեկություններ նշված երկրներում հաշմանդամների հիմնախնդիրների լուծման միջոցների մասին, համեմատական վերլուծություններ և այլ օգտակար տեղեկատվություն», - ընդգծել է Արմեն Ալավերդյանը:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
