Հայոց ցեղասպանության զոհերի ժառանգները դատի են տվել Թուրքիայի կառավարությանը30 հուլիսի 2010 - 13:21 AMT PanARMENIAN.Net - ԱՄՆ-ում բնակվող Հայոց ցեղասպանության զոհերի ժառանգները դատի են տվել Թուրքիայի կառավարությանը և երկու թուրքական խոշոր բանկերի: Ինչպես հաղորդում է AP գործակալությունը, ամերիկահայ փաստաբանները հինգշաբթի հայց են ներկայացրել դաշնային դատարան`պահանջելով Թուրքիայի կառավարությունից, կենտրոնական բանկից և Ziraat Bankasi բանկից փոխհատուցում վճարել Հայոց ցեղասպանության զոհերի ժառանգներին Օսմանյան կայսրությունում կորցրած գույքի դիմաց: Փաստաբանները ձգտում են ստանալ այս գործով խմբային հայցի կարգավիճակ, սակայն միժամանակ ընդգծում են, որ այդպես դատավարությունը կարող է տևել մոտ 3 տարի: «Մենք ձեռնամուխ ենք եղել այս գործին և առաջ ենք շար-վում»,-ասել է փաստաբան Բրայան Կաբատեկը: Հայցը ներկայացվել է հայցվորներ Կարպիս Դավոյանի (Լոս Անջելես) և Հրայր Թուրաբյանի (Նյու Յորք) անունից: Նրանք պահանջում են փոխհատուցել Ցեղասպանության ժամանակ զոհված հայերին պատկանող հողատարածքների, տների, ձեռնարկությունների, բանկային հաշիվների կորուստը, ինչպես նաև Թուրքիայում ոչնչացված հայ մշակութային և կրոնական հուշարձանների համար: Ըստ փաստաբան Մարկ Կիրակոսի, սա առաջին դատական հայցն է, որտեղ Թուրքիայի կառավարությունը նշվում է որպես անմիջական պատասխանող կողմ: «Գործին մասնակից բոլոր փաստաբանները հարազատներ են կորցրել Ցեղասպանության ժամանակ: Դա իր յուրահատկությունն է հաղորդում գործին»,-ասել է Կիրակոսը: Հայցում նշվում է, որ շուրջ 1,5 մլն հայ է սպանվել ու բռնագաղթի ենթարկվել երիտթուրքերի հրամանով: 2000 թվականին Կալիֆորնիայի օրենսդիր մարմինն որոշում կայացրեց, որի համաձայն Հայոց ցեղասպանության զոհերի ժառանգները կարող են օտարերկրյա ապահովագրական ընկերություններից պահանջել փոխհատուցում վճարել իրենց հարազատների կորցրած գույքի դիմաց: 2009թ. օգոստոսի 20-ին ԱՄՆ դաշնային բողոքարկիչ դատարանը որոշում կայացրեց, որն արգելում է ամերիկահայերին նման պահանջով հայց ներկայացնել օտարերկրյա ապահովագրական ընկերություններին: Դատարանը հիմնավորեց իր այդ որոշումը նրանով, որ ԱՄՆ կառավարությունը պաշտոնապես չի ճանաչել Հայոց ցեղասպանությունը: Հղումներ թեմայով. Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Ամենաընթերցվողը բաժնում | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |