Վարչապետը անդրադարձել է նախարարությունների կողմից իր հանձնարարությունների կատարման ընթացքին18 նոյեմբերի 2010 - 11:58 AMT PanARMENIAN.Net - Բացելով կառավարության նիստը Հայաստանի վարչապետ Տիգրան Սարգսյանն առաջին հերթին անդրադարձել է այն հանձնարարությունների կատարման ընթացքին, որոնք տրվել էին նախորդ նիստում առողջապահության, կրթության ու գիտության, գյուղատնտեսության ու ֆինանսների նախարարներին: Նա ընդգծել է, որ այդ հանձնարարությունների նպատակն է բարձրացնել հակակոռուպցիոն ծրագրի իրականացման արդյունավետությունը, ինչպես նաև նախարարությունների կողմից իրենց գործառույթներն իրականացնելու պատասխանատվությունը: Տիգրան Սարգսյանը հայտնել է, որ կրթության ու գիտության նախարար Արմեն Աշոտյանի հետ քննարկվել է ուսումնական հաստատություններում կաշառակերության հաղթահարման ծրագիրը: «Ինձ ոգևորում է այն փաստը, որ ուսանողներից արդեն գրավոր արձագանքներ են ստացվել, որտեղ ասվում է, որ իրենք պատրաստ են աջակցել ծրագրի իրականացմանը»,-ասել է նա: Ինչ վերաբերում է առողջապահության ոլորտին, ապա նախարար Հարություն Քուշկյանը միջոցառումների ծրագիրը կներկայացնի հաջորդ շաբաթ: Վարչապետը դրական է գնահատել ֆինանսների նախարարի օպերատիվ քայլերն, ուղղված կադրային ու կառուցվածքային փոփոխություններին, որոնք թույլ կտան բարելավել ՓՄՁ-ների գործունեությունը 2011թ.: Անդրադառնալով գյուղատնտեսության ոլորտին՝ վարչապետն ասել է, որ միջոցառումների ծրագիրը նախատեսում է տեսչական բարեփոխումներ, որոնք քննարկվել են ԵՄ մասնագետների հետ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |