  ՀՀ էկոնոմիկայի նախարարը զգուշացնում է որակի ապահովման աշխատակիցներին 11 մայիսի 2011 - 13:32 AMT PanARMENIAN.Net - Առաջիկայում արմատապես կբարեփոխվի Հայաստանի Հավատարմագրման, չափագիտության և ստանդարտների համակարգը, մայիսի 11-ին Նորամուծության և ձեռներեցության ազգային կենտրոնում հայտարարել է ՀՀ էկոնոմիկայի նախարար Տիգրան Դավթյանը: «Բարեփոխումների իրականացման ռազմավարությունը հաստատվել է կառավարության կողմից, սակայն, ես փոփոխություններ չեմ տեսնում, ինչն ինչ-որ չափով նաև մեր մեղքն է»,,-ասել է նա Հավատարմագրման գործակալության, Շուկայի և սպառողների շահերի պաշտպանության պետական տեսչության, Չափագիտության ազգային ինստիտուտի և Ստանդարտների ազգային ինստիտուտի աշխատակազմերի հետ հանդիպմանը: Նախարարը նշել է, որ որակի ապահովման ոլորտում կիրականացվեն կառուցվածքային, տեխնիկական, կադրային ու կազմակերպչական փոփոխություններ, որոնք իրենց արդյունքը կտան: «Բոլոր ծառայությունները, որ ներկայացվում են, այդ թվում նաև պետկառույցների կողմից, պետք է լինեն մատչելի, իսկ սպառողները պետք է գոհ մնան որակից»,-ասել է նա: Տիգրան Դավթյանը հավելել է, որ կառավարության աջակցությունն այդ գործում հետևողական է լինելու, եթե ռեսուրսներն արդյունավետ օգտագործվեն ու փոխվի աշխատանքի ոճը, հակառակ դեպքում «օրենքի սահմաններում աշխատակիցները կենթարկվեն ոչ միայն վարչական, այլ նաև քրեական պատասխանատվության»: Նախարարը հավելել է նաև, որ Հայաստանը պարտավորոթյուններ ունի միջազգային կառույցների առջև, որոնք նա պետք է կատարի սեղմ ժամկետներում, «որպեսզի ամոթով չմնանք մեր գործընկերների առջև»:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
