Սոնա Հարությունյան. Գյումրեցիների բողոքը Մինասի որմնանկարների տեղափոխման հարցում ուշացած է 14 հունիսի 2011 - 13:14 AMT PanARMENIAN.Net - ՀՀ մշակույթի նախարարության Ժամանակակից արվեստի և ժողովրդական արհեստների վարչության պետ Սոնա Հարությունյանը ուշացած է համարում գյումրեցի մի քանի նախաձեռնողների բողոքը կապված Մինաս Ավետիսյանի որմնանկարները Երևան տեղափոխելու հետ: «Աղմուկը ոչ թե գյումրեցիներն են բարձրացրել, այլ որոշակի մարդկանց մի խումբ, ովքեր փորձում են խանգարել այդ գործընթացին»: Նա նաև ավելացրեց, որ որմնանկարները պետության սեփականությունն են, և հետևաբար որևէ անհատի չեն պատկանում:Մինաս Ավետիսյանի տուն-թանգարանի տնօրեն, «Մինաս Ավետիսյան» հիմնադրամի նախագահ, նկարչի որդին՝ Արման Ավետիսյանը գտնում է, որ աղմուկ բարձրացրած մարդիկ ուղղակի շահարկում են այդ հարցը: «Այսքան տարի Գյումրին հնարավորություն ուներ որմնանկարները պահպանելու: Նրանք նույնիսկ նկարների պահպանման համար պահակ չեն տրամադրել կամ ծածկ չեն ապահովել», ասել Ավետիսյանը: Որմնանկարները Գյումրիից տեղափոխվել են հունիսի 10-ին ժամը 16.00-ին: «Էլեկտրատեխնիկական գործարան» ՓԲԸ նախկին ճաշարանի և «Գալվանոմետր գործարան (Օմեգա)» ՓԲԸ-ի շենքերում գտնվող «Երկանք» և «Թել են մանում» որմնանկարները ՀՀ կառավարության 2010թ-ի որոշմամբ պետք է տեղափոխվեն Երևանի «Զվարթնոց» օդանավակայանի նորակառույց տերմինալ: Որմնանկարները նորոգվում են արգենտինահայ գործարար Էդուարդո Էռնեկյանի միջոցներով և կներկայացվեն հասարակությանը այս տարվա օգոստոսին, նոր տերմինալի բացման օրը: Այն կլինի աշխարհում միակ օդանավակայանը, որտեղ ներկայացված կլինեն հայտնի նկարչի բնօրինակ գործերը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |