  Հունաստանը պատրաստ է աջակցել Հայաստանին ԵՄ հետ ասոցիատիվ համաձայնագրի ստորագրման հարցում 22 մարտի 2012 - 14:14 AMT PanARMENIAN.Net - Հունաստանը պատրաստ է աջակցել Հայաստանին ԵՄ հետ ասոցիատիվ համաձայնագրի ստորագրման հարցում: Այս մասին մարտի 22-ին Երևանում հայտարարել է Հունաստանի տնտեսական և սոցիալական կոմիտեի պատվիրակության նախագահ Քրիստոս Պոլիզողոպուլոսը: Նա նշել է, որ Հունաստանն ու Հայաստանը սերտ բարեկամական հարաբերություններ ունեն՝ հիմնված պատմամշակութային ժառանգության վրա: «Աշխարհի քաղաքական շրջանակներում լավ գիտեն, որ Հունաստանը միշտ Հայաստանի կողքին է»,-ասել է նա՝ ելույթ ունենալով Երևանի Վ. Բրյուսովի անվան պետական լեզվաբանական համալսարանում: Միջոցառումը կազմակերպվել էր Հայաստանում «Հունաստանի օրերի» շրջանակներում: Հունաստանի տնտեսական և սոցիալական կոմիտեի պատվիրակությունը, որի կազմում են նաև գլխավոր քարտուղար Ապոստոլոս Քսիռաֆիսը և արտաքին կապերի պատասխանատու Մարթա Թեոդորոն, Հայաստանում է գտնվում երկօրյա այցով Հայաստանի Հանրային խորհրդի հրավերով: .Ինչպես նշել է Քրիստոս Պոլիզողոպուլոսը, այսօրվա դրությամբ Հունաստանի տնտեսությունը ծանր ժամանակներ է ապրում և վարում է տնտեսման կոշտ քաղաքականություն, որը վատ է անդրադառնում ժողովրդի վրա: «Մենք վստահ ենք, որ կկարողանանք հաղթահարել ճգնաժամը և կարևոր դերակատարություն ունենալ Եվրոպայում»,-հավելել է նա:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից  Դեսպանությունը պարզաբանում է ստացել Վրաստանի ԱԳՆ–իցՓաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցումՕդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակՌԴ մասնագետները երկաթուղու ջրալցված հատվածների մանրազնին հետազոտություն են իրականացնում Ներկայում իրականցվում է էլեկտրաենթակայանների չորացում, վերականգնվում է վնասված կայանների էլեկտրամատակարարումը |
