Համաեվրոպական «Բաց դռների օրը պատմական հուշարձաններում» կնշվի նաև Հայաստանում17 սեպտեմբերի 2010 - 18:43 AMT PanARMENIAN.Net - Սեպտեմբերի 18-ին «Էրեբունի» պատմահնագիտական արգելոց-թանգարանը «ԻԿՕՄՕՍ/Հայաստան» հասարակական կազմակերպության, Տուրիզմի հայկական ինստիտուտի և Հայաստանի ազգային պարարվեստի միության գործընկերությամբ կմիանա համաեվրոպական «Բաց դռների օր պատմական հուշարձաններում» նախաձեռնությունը: Թանգարանը հանդես կգա եվրոպական ժողովուրդների պատմամշակութային ժառանգությունները ներկայացնող լուսանկարների ցուցահանդեսով` ընտրված «Հուշարձանների լուսանկարման միջազգային փորձ» նախագծի մասնակիցների աշխատանքներից: Ցուցահանդեսը կկրի «Կտոր մը Եվրոպա. մեծ զբոսանք» խորագիրը, որի բացման շրջանակում կներկայացվի նաև Կատալոնիայի համակարգմամբ արդեն 15 տարի ընթացող «Հուշարձանների լուսանկարման միջազգային փորձ-2010» մրցույթի կատալոգը: Միջոցառումը կմեկնարկի Եվրոպայի ժողովուրդների ազգային պարերի բեմադրությամբ: Միջոցառման մասնակիցներին կողջունեն և օրվա խորհուրդը հիշեցնող խոսքով հանդես կգան հանրապետության մշակույթի, կրթության ու գիտության բնագավառի ներկայացուցիչներ, քաղաքական գործիչներ, ու պատասխանատուներ: Ցուցահանդեսի դիտումից հետո հյուրերին և մասնակիցներին կառաջարկվի հատուկ ճանաչողական էքսկուրսիա «Էրեբունի. այստեղից է սկսում Երևանը» խորհրդանշական կարգախոսով, հայտնում է ՀՀ մշակույթի նախարարության մամլո ծառայությունը:-
1984-ին Ֆրանսիայում ծնունդ առած «Բաց դռների օր պատմական հուշարձաններում» նախաձեռնությունը 1991-ից դարձավ Եվրոպայի խորհրդի նախագիծ` կնքվելով «Եվրոպական ժառանգության օրեր» անվամբ: 1999-ից այն Եվրոպայի խորհրդի և Եվրոպական հանձնաժողովի համատեղ ձեռնարկ է և կրում է "Եվրոպա. ընդհանուր ժառանգություն" կարգախոսը: Հուշարձաններն ու տեսարժան վայրերը եվրոպական հանրության համար բաց ու հասանելի դարձնելու միջոցով Օրերը քարոզում են Եվրոպայի միասնությունը` համախմբելով Եվրոպական Մշակութային կոնվենցիային անդամակցող երկրներին: Այս տարի արդեն 25-րդ անգամ Եվրոպայի միլիոնավոր քաղաքացիներ իրենց համերաշխությունը կհայտնեն սպասված ու հաջողված նախագծին` հատուկ միջոցառումներով և այցելություններով նոր շունչ հաղորդելով պատմական վայրերին ու հուշարձաններին: 1997-ին վավերացնելով Եվրոպական մշակութային կոնվենցիան, իսկ 2001-ից դառնալով Եվրոպայի խորհրդի լիիրավ անդամ` Հայաստանը հաստատել է իր պատկանելությունը Եվրոպային: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |