Աբաս Քիառոսթամի. Հայ կինոդիտողները շատ համբերատար են և խելացի 14 հուլիսի 2011 - 16:59 AMT PanARMENIAN.Net - Իրանցի հայտնի ռեժիսոր Աբաս Քիառոսթամին, ում «Վավերացված պատճենը» ֆիլմը բացեց «Ոսկե ծիրան» 8-րդ միջազգային կինոփառատոնը, լրագրողներին հայտարարեց, որ հիացած է հայ կինոդիտողներով: «Մի քաղաքում, որտեղ միայն մեկ կինոդահլիճ կա, բայց այսպիսի հանդիսատես, դա հիանալի է և ոգևորիչ», - ասաց նա: Ըստ ռեժիսորի, հայ կինոդիտողները շատ համբերատար են և խելացի: Ռեժիսորը չթաքցրեց իր սերը նաև Հայաստանի նկատմամբ. «Ես Հայաստանում չեմ զգում, որ իմ երկրից դուրս եմ գտնվում: Ինձ համար ամեն անգամ հաճելի է գալ Հայաստան»: Նա նաև հայտարարեց, որ իր սիրած ֆիլմերից մեկը Հարություն Խաչատրյանի «Սահման» ֆիլմն է, որը մեծ տպավորություն է գործել իր վրա: Աբաս Քիառոսթամին ծնվել է 1940թ-ին Թեհրանում: Սովորել է Թեհրանի գեղարվեստի դպրոցում` ապրուստը հոգալու համար ձևավորող նկարիչ, պաստառների նկարիչ և գովազդային հոլովակների ռեժիսոր աշխատելով: 1969-ին հիմնել է Երեխաների և երիտասարդների մտավոր զարգացման ինստիտուտի կինեմատոգրաֆիայի բաժինը, որտեղ էլ հենց նկարահանել է իր կարճամետրաժ ֆիլմերը: Այդ ժամանակից ի վեր մշտապես գործող ռեժիսոր լինելով` դարձել է իրանական կինոյի երևելի դեմքերից մեկը: 2001-ից Քիառոսթամին տարվել է փոքրիկ կինոխցիկով, և դրա արդյունքն այն է, որ այժմ աշխատում է միայն թվային տեխնոլոգիաներով: «Վավերացված պատճենը» նրա առաջին աշխատանքն է Իրանի սահմաններից դուրս: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |