Հայ-թուրքական «Հաշտեցման հանձնոժողովից» դուրս գալու մասին հայ անդամների որոշումը «կանխատեսելի էր», - այսօր Երեւանում հայտարարել է Հայաստանի նախագահի մամլո քարտուղար Վահե Գաբրիելյանը:

Մոսկվայում կայացել է «Հակամարտությունների գոտիները ետխորհրդային տարածքում եւ չճանաչված պետություններ» թեմայով կոնֆերանսը, որը կազմակերպել էր ռուսաստանյան ԱՊՀ երկրների ինստիտուտը:

Երկուշաբթի Հայաստանի նախագահը պաշտոնական այցով կմեկնի Մոսկվա:

Այս տարվա ընթացքում Հայաստանում նորաստեղծ աշխատատեղերի քանակը կազմել է 44048:

Ադրբեջանը, որ առասպել էր ստեղծել իր ընդերքում ածխաջրածնային հումքի անհամար պաշարների մասին, իրականում ընդունակ չէ ապահովելու էներգակիրների նույնիսկ սեփական պահանջարկը:

2002 թվականին Եվրոպական հանձնաժողովը կուսումնասիրի ՏՐԱՍԵԿԱ-յի միջկառավարական հանձնաժողովի առաջարկը Բաքու-Նախիջեւան- Երեւան երկաթուղային հաղորդակցության վերակնգնման նախագծի տեխնիկատնտեսական հիմնավորման ֆինանսավորման վերաբերյալ:

Հայկական պատվիրակությունը Հայաստանի նախագահ Ռոբերտ Քոչարյանի գլխավորությամբ դեկտեմբերի 25-ին պաշտոնական այցով կժամանի Իրան:

Հայաստանի Խորհրդարանը առաջին ընթերցմամբ ընդունել է ծրագիր Սեւանա լճի էկոհամակարգի վերականգման, վերարտադրման ու ռացիոնալ օգտգործման վերաբերյալ:

«Լրագրողներ առանց սահմանի» միջազգային իրավապաշտպան կազմակերպությունը հանդես է եկել հայտարարությամբ, որում դատապարտել է երեկ տեղի ունեցած ոստիկանության հարձակումը ազատ մամուլի ճնշման դեմ ադրբեջանցի լրագրողների կոսղմից որպես բողոքի ակցիա կազմակերպված պիկետի վրա:

Հայ եւ ադրբեջանցի լրագրողների փոխադարձ այցելությունների դադարեցման մասին Երեւանի Մամուլի ակումբի որոշումը, որը կայացվել էր Բաքվի ԶԼՄ-ի հակահայկական աննախադեպ հիստերիայի պատճառով, ոչ միանշանակ արձագանք ունեցավ Ադրբեջանում : Բաքվի մի քանի թերթեր չեն թաքցնում իրենց գոհունակությունը, որ հայ-ադրբեջանական երկխոսությունը խոչընդոտելու իրենց ջանքերը շոշափելի արդյունք տվեցին: Սակայն, հարկ է նաեւ նշել, որ երեւանյան լրագրողների դեմարշը ադրբեջանական մտավորականության մի մասի մոտ ոչ քիչ անհանգստություն է առաջացրել: Նյարդայնացել են նույնիսկ պետական այրերը: Ալիեւյան վարչակազմի միջազգային բաժնի պետ Ալի Հասանովը հայտարարել է, որ երկրի ղեկավարությունը բոլորովին էլ դեմ չէ Հայաստանի եւ Ադրբեջանի ոչ կառավարական կազմակերպությունների շփմանը: Ընդ որում, նա բավականին անկեղծ խոստովանություն է արել. պարզվում է, որ ադրբեջանական իշխանությունները երկու հակամարտող երկրների հասարակական կառույցների եւ լրագրողների փոխհարաբերությունները իրականում խրախուսում են ոչ թե այն պատճառով, որ դրանցում իմաստ են տեսնում, այլ միայն ԵԱՀԿ-ի խաղաղարարների տրամադրությունները չփչացնելու համար, որոնք շատ են ուզում, որ հայերն ու ադրբեջանցիներն ապրեն համերաշխ: