Միայն կողմերն իրենք կարող են ուղղիղ բանակցությունների ընթացքում հասնել ցանկալի արդյունքների

Լեհական խորհրդարանի ներքին պալատի ընդունած «հայկական բանաձեւի» նախապատրաստական աշխատանքները երկար չտվեցին: Պաշտոնական Անկարան նույնիսկ չհասցրեց քայլեր ձեռնարկել Սեյմում այդ հարցի քննարկումը խոչընդոտելու ուղղությամբ: Առաջիկայում բանաձեւը կփոխանցվի Վերին պալատ: Կասկած չկա, որ Սենատում էլ գործն առաջ կգնա: Այսպիսով, կարելի է պնդել, որ աշխարհի արդեն 17 երկիր հայերի Ցեղասպանությունը համարում են անառարկելի փաստ: Ցեղասպանությունը պաշտոնապես ճանաչել են Ֆրանսիայի, Ռուսաստանի, Կանադայի, Իտալիայի, Վատիկանի, Շվեյցարիայի, Շվեդիայի, Նիդեռլանդների, Բելգիայի, Հունաստանի, Կիպրոսի, Սլովակիայի, Ուրուգվայի, Արգենտինայի, Լիբանանի օրենսդիր մարմինները: