Հայաստանում Իսրայելի դեսպան Շեմի Ցուրը «գաղտնի» հանդիպում է ունեցել ՀՀ արտաքին գործերի նախարարի տեղակալ Արման Կիրակոսյանի հետ: Թերեւս, գաղտնիքը ոչ թե ինքը` հանդիպումն էր, այլ բանակցությունների բովանդակությունը, որոնք, մեր կարծիքով, վերաբերում էին զուտ տարածաշրջանային խնդիրներին: Եթե ավելի խորանանք կանխատեսվող թեմայի շուրջ, ապա կարելի է ասել, որ բանակցությունները վերաբերում էին Իրանին: Նկատենք, որ դիվանագետների բանակցությունները գրեթե միշտ գաղտնի են եւ ամենամեծ բանը, որի հույսը կարող է ունենալ մամուլը, ոչինչ չասող մամլո հաղորդագրությունն է: Երբեմն դա էլ չի լինում:

Արդեն մեկ ամիս է, ողջ աշխարհում ինտերնետից օգտվողների եւ ՏՏ մասնագետների ուշադրության կենտրոնում է երեք իրադարձություն`մի կողմից Microsoft կորպորացիայի արտադրանք հանդիսացող Windows 7 նոր օպերացիոն համակարգի ուղղությամբ տարվող աշխատանքների ավարտը, մյուս կողմից` Google ընկերության արագագործ զննարկիչի (բրաուզերի) թողարկումն ու սեփական օպերացիոն համակարգի ուղղությամբ տարվող աշխատանքը: