9.06.2010-ի համար տեղեկատվություն չկա:
Հայաստան և աշխարհ.

Երկակի չափանիշների քաղաքականությունը կարող է զիջել իսլամական մեծամասնության քաղաքականությանը

Թուրքիայի ԱԳՆ քաղաքականությունը` «զրոյական խնդիրներ հարևանների հետ», հանգեցնում է լոկալ բախումների քանակի ավելացմանը, որոնք կարող են վերաճել ավելի լայնածավալ առճակատման

8 հունիսի 2010
Իսրայելա-թուրքական հարաբերությունները շարունակում են վատթարանալ, չնայած, որ պատճառը կարելի է լոկ պատրվակ համարել: Եթե բանը միայն Գազայի ապաշրջափակմանը վերաբերեր, ապա սահմանը փակել է նաև Եգիպտոսը, որը, սակայն, բացեց այն Հոսնի Մուբարաքի և ԱՄՆ փոխնախագահ Ջո Բայդենի հանդիպումից հետո: Եվ հետո`Թուրքիան չի կարող սադրանքի դիմել Եգիպտոսի ափերի մոտ: Առաջին հերթին, իսլամական համերաշխության պատճառով, որը սակայն, դրսևորվում է յուրօրինակ և ընտրովի: Եվ երկրորդը, դա կաորղ էր թանկ նստել`Էրդողանը համարձակ մարդ է, սակայն մինչ որոշակի պահը: Այսինքն, այնքան ժամանակ, քանի դեռ նա վստահ է, որ իր գործողությունները լավ են Թուրքիայի համար: Հակառակ դեպքում, նա կանգ է առնում և իր համար առավելապես բարենպաստ պայմաններ է սակարկում: Այս գործելաոճը նոր չէ` նույն կերպ էր վարվում Օսմանյան կայսրությունը, որը նույնիսկ իր պարտությունները կարողանում ի նպաստ իրեն օգտագործել:
Սպորտ.

Լևոն Արոնյանը կխաղա արագ շախմատի ավանդական մրցաշարում

Մայիսի 27-ից հունիսի 3-ը տեղի ունեցած գլխավոր սպորտային իրադարձությունների ամփոփում

7 հունիսի 2010
Շախմատ. Շախմատի աշխարհի չեմպիոնի կոչման հավակնորդների հանդիպումները կայանալու են 2 երկրներում: 4 շախմատիստներ խաղալու են Բաքվում, իսկ մնացած 4-ը, այդ թվում Արոնյանը` մեկ այլ երկրում, որն ավելի ուշ հայտնի կդառնա: Ավելի վաղ Արոնյանը հայտարարել էր, որ չի պատրաստվում հանդես գալ Բաքվում աշխարհի առաջնության եզրափակիչ խաղերի ուղեգիր նվաճելու համար:
Քաղաքականություն.

Հայաստանի ներքաղաքական օրակարգը փոխվում է. Ղարաբաղի և հայ-թուրքական հարաբերությունների թեմաներն ավելի քիչ են շրջանառվել

Մայիսի 29-ից հունիսի 4-ը տեղի ունեցած ներքաղաքական իրադարձությունների ամփոփում

5 հունիսի 2010
Հայաստանում քաղաքական շաբաթը սկսվեց ՀՀ Զինված ուժերի գլխավոր շտաբի պետ Յուրի Խաչատուրովի հայտարարությունից այն մասին, որ թող ոչ ոքի մտքով չանցնի, որ Հայաստանը կարող է գեթ մի թիզ հող զիջել: Մայիսի 29-ին ՀՀ նախագահի հրամանագրով ՀՀ Զինված ուժերի խաղաղապահ բրիգադին դրոշի հանձնման հանդիսավոր արարողության ժամանակ գեներալ-գնդապետ Յուրի Խաչատուրովը հայտարարեց, որ հայկական կողմին ուրիշի հողը պետք չէ, նա պաշտպանում է իր տարածքը: «Դուք պետք է հասկանաք`այն ամենն, ինչ մենք ունենք Ղարաբաղի հետ միասին, մեզ է պատկանում և թող ոչ ոքի մտքով չանցնի, որ մենք կարող ենք գեթ մի թիզ հող զիջել»,-հայտարարել է Հայաստանի Զինված ուժերի գլխավոր շտաբի պետը:
Տնտեսություն.

Աշխարհում գները նվազում են, իսկ Հայաստանում` աճում

Պարենային ապրանքի գնաճի բարձր տեմպերը զգալիորեն «կհարվածեն» բնակչության գրպանին

5 հունիսի 2010
2010թ. մայիսին ապրիլի համեմատ ՀՀ սպառողական շուկայում արձանագրվել է 1.0 տոկոս գնաճ: Ընդ որում, պարենային ապրանքների (ներառյալ ոգելից խմիչք և ծխախոտ) գներն աճել են 1.8 տոկսով, ոչ պարենային ապրանքներինը`0.9 տոկոսով, իսկ ծառայությունների ոլորտում գրանցվել է սակագների 0.2 տոկոս նվազում:
Մշակույթ.

«Եվրատեսիլն» ավարտվեց, սակայն կրքերը դեռևս բորբոքվում են

Սիրիական ծագում ունեցող ֆրանսիացի գործարար Օմար Արֆուշը (Omar Harfouch) Ադրբեջանին մեղադրում է «Եվրատեսիլ 2010»-ի քվեարկության արդյունքները կեղծելու մեջ

4 հունիսի 2010
Մայիսի 29-ին ավարտվեց այն, ինչին մենք սպասում էինք մոտ մեկ տարի` թեկնածու էինք ընտրում, գուշակում էինք, թե ինչ բեմադրություն է լինելու և, իհարկե, որոշում էինք, թե որ տեղն է գրավելու փառատոնին Հայաստանի մասնակիցը: Սակայն, ամեն ինչ ըստ կարգի. ամենից առաջ Հայաստանի ներկայացուցիչ Եվա Ռիվասը քողարկված էր գաղտնիության և հակասական նորությունների քողով: Լուրեր էին տարածվում, որ մեծ հոնորարների շնորհիվ Ռիվասի հետ հանդես է գալու հանրահայտ աճպարար Դավիթ Կոպերֆիլդը, որը պետք է հանդիսատեսին հիացներ` բեմի վրա ծաղկեցնելով ծիրանի ծառը:
ՏՏ ոլորտ.

Մինչև 2010 թվականի աշունը բջջային օպերացիոն համակարգերը կտեղայնացվեն Հայաստանի համար

Մայիսի 24-31-ի ընթացքում հեռուստահաղորդակցության ու տեղեկատվական տեխնոլոգիաների ոլորտում հիմնական իրադարձությունների ամփոփում

4 հունիսի 2010
Երևանում կզբաղվեն բջջային հեռախոսների տեղայնացմամբ: Հայաստանի աջակցման հիմնադրամի (Սորոսի հիմնադրամ) «Բաց հասարակության ինստիտուտը» մրցույթ է հայտարարել Symbian, Android և Windows mobile բջջային օպերացիոն համակարգերի տեղայնացման համար: Նախագիծը պատրաստ կլինի 3-4 ամսից: Լեզվական փաթեթները պետք է գործեն Symbian 9.1, 9.2, 9.3, 9.5 (Nokia S60 3rd and 5th Editions), Maemo, Android и Windows Mobile 6.1, 6.5 7.0. օպերացիոն համակարգերի տարբերակներում: Բացի այդ, մշակվել է ծրագրային ապահովում, որը պետք է հիմնվի ազատ ծրագրային ապահովման պայմանների վրա: Ֆինանսավորման վերջում (շուրջ 5000 դոլար) մշակողի բոլոր փաստաթղթերը պետք է զետեղվեն նույն սերվերի վրա և մատչելի լինեն այն կազմակերպությունների և անհատների համար, ովքեր կցանկանան շարունակել կամ լրացնել նախագիծը:
Հասարակություն.

«Ուսանողական այգի». Հասարակությունը դեմ է նոր կառուցապատմանը

«Մենք ենք այս քաղաքի տերերը». Մեզ չի հետաքրքրում, թե ով է «Ուսանողական այգում» շինարարական աշխատանքներ կատարում, մեզ հետաքրքրում է, թե ով է այդ շինարարության թույլտվությունը տվել

17 մայիսի 2010
Չհասցրեցին մարել «Մոսկվա» կինոթատրոնի ամառային դահլիճի տեղում եկեղեցու կառուցման մտադրության հետ կապված կրքերը, ինչպես հասարակության մեջ սկսեցին լուրեր շրջանառվել նոր շինարարության դեմ հերթական ստորագրահավաքի մասին: «Մե՛նք ենք այս քաղաքի տերը» նախաձեռնությունը հայտարարություն է տարածել «Ուսանողական այգու» վերացման վտանգի վերաբերյալ: Ինչպես նշվում է PanARMENIAN.Net- ի ստացած հայտարարության մեջ, «այգում սկսվել է լայնածավալ շինարարություն, որը չի համաձայնեցվել տվյալ միջավայրում բնակվող, ուսանող և ստեղծագործող քաղաքացիների հետ և սպառնում է հանրային հանգստի գոտին վերածել հերթական բետոնապատ տարածքի: Այստեղ ակնհայտորեն մասնավոր շահը վեր է դասվել հանրային շահից»: