Անցյալ շաբաթ Հայաստանի կառավարությունը նիստի ժամանակ քննարկել է պետկառույցներում գրասենյակային աշխատանքի համար Unicode համակարգում որպես պարտադիր պայման հայկական տառատեսակների օգտագործումը, ինչպես նաև որոշ պետական կայքերի հայերեն տեքստերի կոդավորումների թարգմանությունը: Հայաստանի վարչապետ Տիգրան Սարգսյանը նշել է, որ պետկառույցների որոշ կայքեր անհասանելի են լինում ընթերցանության համար օգտագործվող կոդավորումների պատճառով:

Հայ-ռուսական մշակութային կապերը խորացման ներուժ ունեն: Այդ մասին հունիսի 12-ին հայտնել է ՀՀ Ազգային անվտանգության խորհրդի (ԱԱԽ) քարտուղար Արթուր Բաղդասարյանը «Եվրասիա» ակադեմիայի նախագահ Օլեգ Պոպցովի, Մոսկվայի հեռուստատեսային և ռադիոհեռարձակման ինստիտուտի ռեկտոր Վասիլի Կորելսկիի, «ՏՎՑ» հեռուստաընկերության քաղաքական տեսաբան Լեոնիդ Իոֆեի և Հայաստանի հեռուստատեսության և ռադիոյի ակադեմիայի ռեկտոր Համլետ Ղուշչյանի հետ հանդիպմանը: «Մեզ համար շատ կարևոր են Հայաստանի և Ռուսաստանի միջև մշակութային կապերի առավել խորացմանն ուղղված հայ և ռուս մտավորականների ջանքերը»,- ընդգծել է Արթուր Բաղդասարյանը: Վերջին շաբաթվա իրադարձությունները ցույց են տալիս, որ այդ հարաբերությունների զարգացումը շատ բարձր մակարդակում է:

Վանի թագավորության հնագույն ամրոց Էրեբունիի (մ.թ.ա. 782թ.) տարածքում պեղումները հանգամանքների բերումով անցկացվել են փուլ առ փուլ: Խորհրդային շրջանում վերջին հետազոտություններն այստեղ անցկացվել են 60-ականների վերջին: Հետագայում արդեն հետխորհրդային շրջանում (1990թթ.) դրանք շարունակվել են: Երեք տարվա ընթացքում Հայաստանի և Ֆրանսիայի հնագետները հնագիտական պեղումներ են անցկացնում Վանի թագավորության հնագույն ամրոցի` Էրեբունիի տարածում: Պեղումները ֆինանսավորում են մշակույթի նախարարությունը և Ֆրանսիայի ԱԳՆ-ն:

IFC Միջազգային ֆինանսական կորպորացիայի մասնագետները կարծում են, որ շատ կարևոր է երկրում ունենալ վերականգնվող էներգետիկայի աղբյուրներ, քանի որ ներկայում Հայաստանը ներմուծում է էներգակիրների 2/3-ը: Կովկասյան տարածաշրջանում երկիրը հիդրոէլեկտրաէներգիայի ամենամեծ ներուժն ունի:

Բաքվում, հավանաբար, նորմ է դարձել ցանկացած միջազգային համաժողովում «ԵԱՀԿ ՄԽ անգործության և ձևաչափը փոխելու անհրաժեշտության մասին» խոսելը: Ընդ որոմ փաստարկները անլուրջ են` «ոչ մի կերպ չի ստացվում կարգավորել ղարաբաղյան հակամարտությունը, վերադարձնել տարածքները, պատժել Հայաստանին» և էլի նման անհեթեթություններ: Վերջին նման բացահայտումը Բաքվից հնչեց Երևանում` Սոցիալիստական ինտերնացիոնալի խորհրդաժողովում: Ադրբեջանի ներկայացուցիչ Սալահադդին Ալլահվերդիևի ղարաբաղյան կարգավորումը ստաձնելու Սոցինտերնին ուղղված խնդրանքից հետո, այլ կերպ չես ասի, կազմակերպության գլխավոր քարտուղար Լուիս Այալան միայն ուսերը թափահարեց: Ճիշտ է, հետո նա բացատրեց, որ Սոցինտերնը չի կարող նման հարցերով զբաղվել, դա նրա իրավասությունից դուրս է, սակայն, Բաքվում հավանաբար, դա չեն հասկանում:

Բռնցքամարտ. Մոսկվայում հունիսի 8-ին բռնցքամարտի Եվրոպայի առաջնությունում կայացել են քառորդ եզրափակչի մենամարտերը: Հայաստանի հավաքականը ներկայացնում են 10 բռնցքամարտիկներ, որոնցից 3-ը` Արթուր Խաչատրյանը (81 ք/կ), Հովհաննես Դանիելյանը (48ք/կ) և Հրաչիկ Ջավախյանը (64ք/կ) դուրս են եկել կիսաեզրափակիչ: Նրանք արդեն բրոնզե մեդալներ ունեն, իսկ եզրափակիչ դուրս գալու համար հունիսի 11-ին կմրցեն կիսաեզրափակչի մարտերում:

Արդեն ավանդույթ է դարձել, որ Հայաստանի քաղաքական շաբաթը սկսվում է Լեռնային Ղարաբաղի հիմնախնդրի քննարկումից: Այդ առումով այս շաբաթը բացառություն չէր: Ռուսաստանը միշտ եղել է Հայաստանի հավատարիմ ընկերը և մեր կուսակցությունը միշտ հանդես կգա Հայաստանի ու Ռուսաստանի միջև ռազմավարական, դաշնակցային ու տնտեսական հարաբերությունների զարգացման ու ամրապնդման օգտին: Այդ մասին հայտարարել է «Բարգավաճ Հայաստանի» նախագահ Գագիկ Ծառուկյանը: Միևնույն ժամանակ Ծառուկյանը հերթական անգամ ընդգծեց, որ Ղարաբաղը ոչ մի հանգամանքում չի կարող սակարկության առարկա լինել: «Մենք պետք է ուշադրություն դարձնենք խնդիրներին և լուծենք դրանք անկախ նրանից, թե ով ինչ կասի: