Հայաստանի ազգային մրցունակության հիմնադրամի հոգաբարձուների խորհուրդը աշխատում է ներկայացնել նոր արտադրանքների համալիր, որը կարող է հետաքրքրել համաշխարհային հասարակությանը

Եվրոպայի առաջնությունում Հայաստանը ներկայացնում է 6 թենիսիստ

Անցած շաբաթը նշանակալի էր IFC-ի գործադիր փոխնախագահ և գլխավոր տնօրեն Լարս Թանելի Հայաստան կատարած այցով: Նրան հետաքրքրում էին թե ինչպես են ծախսվում մեր երկրում իր գործընկերներին տրամադրած իր ընկերության գումարները: IFC-ը Համաշխարհային բանկի կառույցի մեջ միջազգային ֆինանսական ինստիտուտ է: Այն հիմնադրվել է 1956 թ., նպատակ ունենալով ապահովել զարգացող երկրներում մասնավոր ներդրումների կայուն հոսքը: Հայաստանը IFC-ի անդամ և բաժնետեր է դարձել 1995թ.: IFC-ը տարիներ շարունակ ակտիվ գործունեություն է իրականացրել երկրում` տնտեսության մի շարք ոլորտների 18 ծրագրերում ներդնելով 87 մլն ԱՄՆ դոլար:

Քաղաքական իրադարձություններն այս շաբաթ զարգանում էին Հայաստանում ռուսական ռազմական բազայի տեղակայման ժամկետը երկարացնելու պատճառի և հայ-ռուսական պայմանագրերի շուրջ: Հայաստանում ռուսական ռազմաբազաների տեղակայման ժամկետի երկարաձգումը շատ կարևոր է և’ Երևանի, և’ Մոսկվայի համար: Այս մասին Երևան-Մոսկվա հեռուստակամրջի ընթացքում ասել է ԱՊՀ երկրների ինստիտուտի տնօրենի տեղակալ Վլադիմիր Ժարիխինը: Նրա խոսքերի համաձայն, այդ փոփոխությունները շատ կարևոր են տարածաշրջանում խաղաղությունն ամրապնդելու համար: Նա, միաժամանակ, նշել է, որ կարգավիճակի այդպիսի ընդլայնումը կհանգեցնի այն բանին, որ Հարավային Կովկասում հիմնախնդիրների լուծումն ու բանակցությունները իրականացվեն միայն խաղաղ ճանապարհով: