IFC-ի գործունեությունը Հայաստանում կընդլայնվիԸնկերության ղեկավարությունը հատուկ ուշադրության է արժանացրել անշարժ գույքի և շինարարության բնագավառին, որոնք ծանր ժամանակներ են անցել և դեռ շարունակում են այդ ծանր ժամանակներն ապրել Անցած շաբաթը նշանակալի էր IFC-ի գործադիր փոխնախագահ և գլխավոր տնօրեն Լարս Թանելի Հայաստան կատարած այցով: Նրան հետաքրքրում էին թե ինչպես են ծախսվում մեր երկրում իր գործընկերներին տրամադրած իր ընկերության գումարները: IFC-ը Համաշխարհային բանկի կառույցի մեջ միջազգային ֆինանսական ինստիտուտ է: Այն հիմնադրվել է 1956 թ., նպատակ ունենալով ապահովել զարգացող երկրներում մասնավոր ներդրումների կայուն հոսքը: Հայաստանը IFC-ի անդամ և բաժնետեր է դարձել 1995թ.: IFC-ը տարիներ շարունակ ակտիվ գործունեություն է իրականացրել երկրում` տնտեսության մի շարք ոլորտների 18 ծրագրերում ներդնելով 87 մլն ԱՄՆ դոլար: 28 օգոստոսի 2010 PanARMENIAN.Net - Նախորդ ֆինանսական տարում` 2010թ. հունիսի 30-ի դրությամբ, IFC-ի ներդրումների տարեկան ծավալը Հայաստանում աճել է և կազմել 35.3 մլն ԱՄՆ դոլար, որը պատմականորեն առավելագույն գումարն է համաշխարհային ֆինանսական ճգնաժամի պայմաններում: Ի լրումն իր ներդրումային գործունեության, IFC-ը Հայաստանում իրականացնում է նաև ակտիվ խորհրդատվական ծրագիր` ուղղված բանկային համակարգի զարգացմանը, կայուն էներգետիկայի ֆինանսավորմանը և ներդրումային միջավայրի բարելավմանը: Լարս Թանելի գլխավորած պատվիրակությունը հանդիպել է ՀՀ նախագահի և վարչապետի հետ, որոնք բարձր են գնահատել նրանց գործունեությունը Հայաստանում: Քննարկվել են Հայաստանի տնտեսության զարգացման, ՄՖԿ-ի հետ խորհրդատվական և ներդրումային ոլորտում համագործակցության ընդլայնմանն առնչվող հարցեր: Սերժ Սարգսյանը ողջունել է մեր երկրում ՄՖԿ-ի գործունեության ակտիվացումը և պատրաստակամությունը` միջազգային փորձագետների ներգրավմամբ աջակցելու Հայաստանի տնտեսության հեռանկարային ոլորտների զարգացմանը: Նախագահն ընդգծել է հատկապես բանկային, էներգետիկ, հանքարդյունաբերության ոլորտներում, գործարար միջավայրի բարեփոխումների և կառավարման համակարգի պարզեցման ուղղություններով ՄՖԿ-ի խորհրդատվական ծառայությունների կարևորությունը, նշելով, որ նաև կոնկրետ գործարար ծրագրերին կորպորացիայի ներդրումային մասնակցությունը չափազանց օգտակար կլինի: ՄՖԿ-ի գործադիր փոխնախագահ Լարս Թանելը, խոսելով Հայաստանում կորպորացիայի գործունեության ընդլայնման ու առաջիկայում իրականացվելիք ծրագրերի մասին, վստահեցրել է, որ դրանց արդյունքները մոտ ապագայում արդեն տեսանելի կլինեն: IFC-ի գործադիր փոխնախագահ և գլխավոր տնօրեն Լարս Թանելը և «Ինեկոբանկի» գործադիր տնօրեն Ավետիս Բալոյանը ստորագրել են պայմանագիր, որը բանկին հնարավորություն կտա իր ներկրող և արտահանող հաճախորդներին առևտրի ֆինանսավորման ավելի լավ լուծումներ տրամադրելու և ընդլայնելու առևտրի ֆինանսավորման իր գործառնությունները: Համաձայն պայմանագրի, IFC-ն իր «Առևտրի համաշխարհային ֆինանսավորման ծրագրի» միջոցով երաշխավորելու է առևտրի` «Ինեկոբանկի» ֆինանսավորած առանձին գործարքները: «Առևտուրը տնտեսական զարգացման անկյունաքարն է», ասել է Թանելը պայմանագրի ստորագրման ժամանակ: «Որպես երկարաժամկետ գործընկերներ և բաժնետերեր, մեզ ուրախացնում է այն, որ առևտրի ֆինանսավորման աջակցությամբ մտնում ենք «Ինեկոբանկի» հետ համագործակցության մեկ այլ փուլ: Դա շահավետ կլինի և’ բանկի, և’ նրա հաճախորդների համար, ներառյալ` փոքր և միջին ձեռնարկությունները»: IFC-ը «Ինեկոբանկին» 2 մլն դոլար է տրամադրել փոքր և միջին ձեռնարկությունների առևտրի ֆինանսավորման համար; IFC-ի համագործակցությունը «Ինեկոբանկի» հետ սկիզբ է առել 2006թ.: Այդ ժամանակվանից ի վեր IFC-ը բազմաթիվ անգամ բանկին տրամադրել է ֆինանսավորում: Տարեսկզբին IFC-ն օգնել է բանկին մեծացնելու վերջինիս միկրովարկերի տրամադրման կարողությունները` կատարողականի վրա հիմնված դրամաշնորհային ծրագրի միջոցով, որը հնարավոր է դարձնում եռամյա ժամանակահատվածում տրամադրելու ավելի քան 71,000 նոր միկորվարկեր անհատներին և փոքր ձեռնարկատերերին, հիմնականում Հայաստանի գյուղական շրջաններում: «Մենք երախտապարտ ենք IFC-ի կայուն գործընկերության և շարունակական աջակցության համար», ասել է Բալոյանն արարողության ժամանակ: «IFC-ի «Առևտրի համաշխարհային ֆինանսավորման ծրագիրը» մեզ կօգնի էլ ավելի զարգացնելու առևտրի ֆինանսավորմանն ուղղված մեր աշխատանքները` առաջարկելով առավել մրցակցային պայմաններ մեր հաճախորդներին և ընդլայնելով մեր միջազգային կապերը ծրագրին մասնակցող գործընկեր բանկերի համաշխարհային ցանցի միջոցով»: Պարոն Թանելը մեծ ներդրում է ունեցել IFC-ի գործունեության ընդլայնման, ինչպես նաև վերջինիս նոր ստեղծած շուկաների համար հնարավորությունների ստեղծման ու մարդկանց կյանքի բարելավման գործում: Օգոստոսի 26-ին Լարս Հ. Թանելը IFC-ի այլ պաշտոնատար անձանց ուղեկցությամբ այցելել է Ամերիաբանկ և հանդիպել բանկի ղեկավարության հետ` նպատակ ունենալով ծանոթանալու IFC-ի Ամերիաբանկին տրամադրած միջոցների օգտագործման և այդ միջոցների շնորհիվ հաճախորդների աշխատանքներին, ինչպես նաև IFC-ի և Ամերիաբանկի հետագա անելիքներին: Հանդիպման մասնակիցները նշել են, որ Ամերիաբանկը հաջողությամբ և բավականին կարճ ժամկետներում է օգտագործել IFC-ի տրամադրած միջոցները: Նշենք, որ IFC-ն Ամերիաբանկին տրամադրել է 10 մլն ԱՄՆ դոլարի երաշխիք` միջազգային առևտրի ֆինանսավորման համար և 15 մլն ԱՄՆ դոլարի վարկ` փոքր հիդրոէլեկտրակայանների կառուցման համար: Առևտրի ֆինանսավորման երաշխիքը բանկին հնարավորություն է ընձեռել ընդլայնելու իր հաճախորդների օտարերկրյա առևտրային գործարքները Հայաստանում: Ամերիաբանկը միացել է IFC-ի «Համաշխարհային առևտրի ֆինանսավորման ծրագրին»` որպես թողարկող բանկ և ստացել 100 տոկոս երաշխիք` իր հաճախորդների ներկրման և արտահանման գործառնությունների համար, ներառյալ փոքր և միջին ձեռնարկությունները: Բանկը ստացել է նաև ծրագրում մասնակցող ավելի քան 300 բանկերի համաշխարհային ցանցից օգտվելու հնարավորություն: Կարևորելով վերականգնվող էներգետիկայի ոլորտի զարգացման անհրաժեշտությունը տնտեսության համար` Ամերիաբանկն ակտիվորեն հանդես է գալիս այդ ոլորտի ֆինանսավորման տարբեր ծրագրերով: IFC-ից ստացված 15 միլիոն դոլարի վարկը Ամերիաբանկին հնարավորություն է տվել տրամադրելու երկարաժամկետ ֆինանսավորում Վայոց ձորի, Գեղարքունիքի և Լոռու մարզերի թվով 8 փոքր հիդրոէլեկտրակայանների կառուցման համար, որոնց ընդհանուր դրվածքային հզորությունը կազմում է 26.08 ՄՎտ, իսկ կանխատեսվող էլեկտրաէներգիայի արտադրանքը`80.6 մլն ԿՎտ/ժ: Փոքր ՀԷԿ-երի ֆինանսավորումն օգնում է մեծացնելու Հայաստանի տեղական էլեկտրաէներգիայի արտադրությունը, դիվերսիֆիկացնելու էլեկտրամատակարարման աղբյուրները, կրճատելու ածխաթթու գազի արտանետումները և նվազեցնելու երկրի կախվածությունը վառելիքի ներկրումից: Հանդիպման մասնակիցները դիտել են նաև տեսաֆիլմ "Ջերմուկ-2" փոքր հիդրոէլեկտրակայանի շինարարական աշխատանքների ընթացքի վերաբերյալ, որի նախագծային արժեքի գերակշիռ մասը ֆինանսավորվում է Ամերիաբանկի վարկային միջոցների հաշվին՝ IFC-ի տրամադրած վարկի շրջանակներում: «Միջազգային ֆինանսական կորպարացիայի (IFC) ներդրումները Հայաստանում զգալիորեն ակտիվացել են` 2009-ի 5 մլն դոլարից դառնալով 35 մլն դոլար` 2010-ի հունիսի 30-ի դրությամբ, ինչը բավական էական աճ է»,- ասել է IFC գործադիր փոխնախագահ Լարս Թանելը Երևան կատարած այցի ընթացքում: Միաժամանակ նա ընդգծել է, որ հաշվի առնելով այն ֆինանսական միջոցները, որոնք կորպորացիան պատարստ է ներդնել Հայաստանում և այն հետաքրքրությունը, որը ցուցաբերում են մասնավոր հատվածը և երկրի կառավարությունը, ենթադրում են, որ IFC գործունեությունը Հայաստանում կընդլայնվի: «Մենք հասկանում ենք, որ Հայաստանում անշարժ գույքի և շինարարության ոլորտը շարունակում է ծանր ժամանակներ ապրել, և մենք հույս ունենք, որ մեր մասնակցությամբ իրավիճակը կմեղմվի»,- ասել է Լարս Թանելը: Վիկտորյա Արարատյան / PanARMENIAN News Ամենաընթերցվողը բաժնում Ինչու է աշխարհն անցնում անկանխիկ շրջանառության Նիդերլանդների գյուղատնտեսական հեղափոխությունը Ինչպես է մեր ախորժակը վտանգում ամբողջ մոլորակը Էկոլոգիական ինչ գին ենք վճարում ամենամատչելի հագուստի համար Բաժնի այլ նյութերը ԱԹՍ-ով ջրված այգու բերքը Ինչ առավելություններ ունի խելացի գյուղատնտեսությունը Դատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակ Զսպելով բարկությունն ու գնաճը Պատերազմն ու մեր դատարկվող գրպանը | ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին |