Թունիսի և Եգիպտոսի դեպքերը բացահայտեցին համաշխարհային հանրության կողմից չհասկացված որոշ պահեր, բացառությամբ Մեծ Բրիտանիայի վարչապետ Դևիդ Կամերոնի: Առաջինը և ամենագլխավորը` ժողովրդավարությունն ամերիկյան հասկացմամբ չարմատավորվեց և չի արմատավորվի Մերձավոր Արևելքում: Բացառություն է կազմում Իսրայելլը, բայց մենք տվյալ դեպքում խոսում ենք արաբների մասին:

Երևանում կայացավ «Նա/Նե 2010» մրցանակաբաշխությունը: «Նա/Նե» ամենամյա մրցանակաբաշխության ժամանակ «Տպագիր հոդված» անվանակարգում առաջին տեղը զբաղեցրեց «Առավոտ» օրաթերթի լրագրող Գոհար Հակոբյանը` «Նռան ծաղիկը փախավ հայրական տնից» հոդվածի համար: «Ռադիո նյութ» անվանակարգում 12 աշխատանք էր ներկայացված: Առաջին տեղը շնորհվեց Արմինե Գևորգյանին «Ռադիո Հայ»-ից:

2010թ. Հայաստանի տեղեկատվական տեխնոլոգիաների ոլորտում գրանցվել է 15 տոկոս աճ նախորդ տարվա համեմատ, ընդ որում ՏՏ մասնաբաժինը Հայաստանի ՀՆԱ-ում կազմել է 1.7 տոկոս: Այդ մասին PanARMENIAN.Net ի թղթակցին են հայտնել ՀՀ էկոնոմիկայի մամլո ծառայությունում: Միևնույն ժամանակ, շրջանառությունը ՏՏ ոլորտում կազմել է 150 մլն դրամ, ինչը 15,3 տոկոսով ավելի է նախորդ տարվա նույն ցուցանիշի համեմատ (129,9 մլն դոլար): Հայաստանում ՏՏ ոլորտում զբաղվածների թիվը, ըստ պաշտոնական տվյալների, կազմում է շուրջ 5 հազար մարդ, այդ ոլորտում գործում է 197 ընկերություն: Մինչդեռ, ՏՏ ոլորտի զարգացմանը 2011թ. հատկացվել է նույնքան, որքան 2010թ.՝ 80 մլն դրամ: 2009-ին այդ ոլորտին կառավարությունը հատկացրել է 200 մլն դրամ:

Սովորաբար, եթե բարձր թնդության սպիրտային խմիչքների օգտագործումն երկրում ավելանում է, դա նշանակում է, որ երկրում կան սոցիալական խնդիրներ: Հայաստանում 10 տարի առաջ գինու սպառումը մեկ շնչի հաշվով կազմել է տարեկան 1 լիտր, իսկ այժմ՝ 1,5 լիտր, ընդ որում օղու ու կոնյակի սպառման ծավալները 2000թ. 5 լիտրից հասել են 8,3 լիտրի 2010թ.: Այս թվերն ինքնին խոսուն են, այդ մասին հայտարարել է Հայաստանի գինեգործների միության նախագահ Ավագ Հարությունյանը:

Վեյկ ան Զեեում ավարտվել է ավանդական շախմատային փառատոնը: Լևոն Արոնյանը գլխավոր մրցաշարում լրացուցիչ արդյունքներով զբաղեցրել է 3-րդ տեղը, Մագնուս Կարլսենը, որն Արոնյանի նման ուներ 8 միավոր, զբաղեցրել է 4-րդ տեղը: Մրցաշարի առաջատարը 9 միավորով դարձել է Հիկարու Նակամուրան (ԱՄՆ), 2-րդ տեղում 8.5 միավորով Վիշվանաթան Անանդն է (Հնդկաստան):

Հայաստանի անցյալ շաբաթվա մշակութային կյանքը նշանավորվեց վառ իրադարձություններով, որոնք կապված էին ԱՄՆ, Ռուսաստանի և Ուկրաինայի շոու բիզնեսի և մշակույթի ոլորտի իրադարձությունների հետ:

«Օրինաց երկիր» կուսակցությունը բոլոր շանսերն ունի Հայաստանի խորհրդարան մտնելու համար, որտեղ նա զգալի դեր կխաղա: Այդ մասին Երևանում մամլո ասուլիսում հայտարարել է գյուղատնտեսության և բնապահպանության հարցերով մշտական խորհրդարանական հանձնաժողովի անդամ, «Օրինաց երկիր» խմբակցության անդամ Խաչիկ Հարությունյանը` մեկնաբանելով ՀՀ-ում խորհրդարանական ընտրությունների հնարավոր արդյունքները, որոնք տեղի են ունենալու 2012-ին: Նրա խոսքերով, խմբակցությունն ակտիվ պատրաստվում է խորհրդարանական ընտրություններին: Միաժամանակ Հարությունյանը նշել է, որ 2008-ի դեպքերը Հայաստանում նախագահական ընտրություններից հետո, մասնավորապես, այն, որ ընդդիմությունը ներկայացնող խմբակցությունը միացել է կոալիցիային, ազդել են նրա վարկանիշի վրա: