Եթե Կոստանդնուպոլսի սբ. Սոֆիայի տաճարը կամ Աթենքի մարմարակերտ Պարթենոնը լինեին ավերված վիճակում ապա ինչպիսի ուշադրություն կգրավեին այդ շինությունները և ինչքան հաճախ նրանց կհիշատակեին, կամ կպատկերեին: Զվարթնոցը միջնադարի շինարար արվեստի գլուխգործոցը իրենից այժմ ընդամենը ավերակ է ներկայացնում է ` հնագիտական պեղումների էքսպոզիցիա: Բայց այնքան է այն կատարյալ իր ձևով և կոնստռուկտիվ բովանդակությամբ, որ նույնիսկ փլատակ վիճակում ունի իր բացառիկ տեղը համաշխարաին արվեստի գանձարանում: Ճարտարագետ Կուզնեցով Ա.Վ. պնդում է, որ «Զվարթնոցը կառուցված Ներսես III օրոք իր վեհությամբ և շքեղությամբ պետք է գերազանցեր բոլոր մինչ այդ ստեղծված կառույցները» (Кузнецов А.В. Тектоника и конструкции центрических зданий. Т.1, -М: Гос. изд-во арх. и град-ва, 1951. с. 113):

Հայաստանում զբոսաշրջության ոլորտում 2011-ի 10 ամիսների արդյունքով գրանցվել է 13,5 տոկոս աճ: Միաժամանակ սպասվում է, որ մինչև տարեվերջ այցելությունների քանակը կգերազանցի 800 հազար մարդը: Պետք է նշել, որ զբոսաշրջության ոլորտը Հայաստանի տնտեսության սակավաթիվ ոլորտներից է, որտեղ ճգնաժամի շրջանում չի արձանագրվել անկում: Ուստի այս տարի նկատվում են աճի կայուն տեմպեր դրական հիմքի վրա: Ավելին, երկրի իշխանություններն իրենց առջև խնդիր են դրել առաջիկա 2-3 տարիների ընթացքում հատել 1 մլն զբոսաշրջիկ խորհրդանշական շեմը: Ինչպես հավաստիացրել է այսօր Հայաստանի էկոնոմիկայի նախարար Տիգրան Դավթյանը, դրա համար երկրում ստեղծվում են բոլոր նախադրյալները, մասնավորապես, համապատասխան ենթակառուցվածքների ստեղծման գծով. դա Հայաստանում «Զվարթնոց» օդանավակայանի նոր տերմինալի ստեղծումն է, Հայաստանում համաշխարհային հյուրանոցային ապրանքանիշերի ներկայությունը և ևս երեքին ներգրավելու աշխատանքները, վերանորոգվող ճանապարհները, ծառայությունների որակի բարձրացումը և այլ միջոցառումներ:

Հայ հասարակության մեջ մի քիչ հանգստացել է բարձրաստիճան պաշտոնյաների «հրաժարականների շքերթի» և իշխանությունում տեղի ունեցած վերադասավորումների հետ կապված իրարանցումը, և արդեն կարելի է հանգիստ պայմաններում վերլուծել դրանք:

Թուրքիայի վարչապետ Ռեջեփ Թայիփ Էրդողանը չի դադարեցնում զարմացնել աշխարհին և սեփական երկրին: Ողջ ուժերով փորձելով ամրապնդել սեփական դիրքերը՝ նա ներողություն է խնդրել Դեսիմի քրդերից 1938-ի կոտորածի համար, ընդ որում ներողությունը հնչել է կառավարության անունից: Անշուշտ, վարչապետը կարող է նման հայտարարություններ կատարել, ներողություն խնդրել անմեղ մարդկանց սպանության համար, բայց այս դեպքում էրդողանի հայտարարությունը հերթական PR քայլ է Ժողովրդահանրապետական կուսակցությունը (ԺՀԿ) չեզոքացնելու նպատակով, որի հիմնադիրն էր Քեմալ Աթաթուրքը:

Սովորաբար Հայաստանից Արցախ մեկնողները զարմանում են` Արցախը ռոումի՞նգ է, ինչո՞ւ, որքա՞ն են սակագները։ Հայաստանի բոլոր երեք բջջային օպերատորների դեպքում էլ գործում է Արցախի ռոումինգ ծառայությունը։ Եթե Արցախում գտնվող անձը ցանկանում է զանգահարել Հայաստան, ապա պետք է վճարի ՎիվաՍել-ՄՏՍ-ի բաժանորդ լինելու դեպքում րոպեն 140 դրամ, Orange Armenia-ի դեպքում` 165 դրամ, իսկ ԱրմենՏելի դեպքում` 170 դրամ։

Ինչպես արդեն հայտնի է, Երևանում ճանաչված ճարտարապետ Ռաֆայել Իսրայելյանի տունը հիմնահատակ ավերված է: Ճարտարապետի տան տեղը վեր է խոյանալու հերթական հյուրանոցը: Ինտերնետի հայկական սեգմենտում վրդովմունքի ալիք բարձրացավ, Facebook սոցիալական ցանցում վանդալիզմի հակառակորդների խումբ ստեղծվեց, նույն Facebook-ում Երևանի քաղաքապետ Կարեն Կարապետյանի էջում հայտնվեցին կոչեր` դադարեցնելու Հայաստանի համար այդքան բան արած մարդու տան ոչնչացումը, սակայն ապարդյուն: Վերացավ ևս մեկ հայ երախտավորի հետքը, ով այդքան ահռելի ներդրում է ունեցել Հայաստանը շենացնելու գործում:

Մեկուկես տարում Հայաստանի հավաքականի 37-ամյա մարզիչ Վարդան Մինասյանը ստեղծեց համերաշխ և կուռ թիմ, որը միշտ, դուրս գալով խաղադաշտ, ցուցաբերում է իսկական թիմային խաղ: Մարզչի մոտ նկատվում է առաջընթաց ապրելու և թիմն իր ետևից տանելու ցանկություն: