ԱՄՀ ԴՐԱԿԱՆ Է ԳՆԱՀԱՏՈՒՄ ՀԱՅԱՍՏԱՆԻ ՀԵՏ ՀԱՄԱԳՈՐԾԱԿՑՈՒԹՅՈՒՆԸ21 հուլիսի 2005 - 11:02 AMT PanARMENIAN.Net - Հայաստանի վարչապետ Անդրանիկ Մարգարյանը հանդիպել է Արժույթի միջազգային հիմնադրամի կառավարիչ տնօրենի տեղակալ Ագուստին Կարստենսին, տեղեկացնում է ՀՀ կառավարության մամուլի ծառայությունը: Ընդգծելով ԱՄՀ-ի հետ ՀՀ կառավարության համագործակցության արդյունավետությունը` Ա.Մարգարյանը շնորհակալություն է հայտնել Արժույթի միջազգային հիմնադրամին` կառավարության Աղքատության հաղթահարման ռազմավարական ծրագրի մշակմանն ու դրա իրագործմանն ուղղված ջանքերին աջակցելու համար: Նա կարեւորել է Աղքատության հաղթահարման ծրագրի պատշաճ կատարումը, որպեսզի այն, իրոք, որակական ազդեցություն ունենա Հայաստանի տնտեսության եւ ժողովրդի կենսամակարդակի բարձրացման վրա: Այս առումով կողմերը քննարկել են Հայաստանի մակրոտնտեսությանն առնչվող հարցեր: Անդրանիկ Մարգարյանը նշել է, որ մակրոտնտեսական իրավիճակը համապատասխան ծրագրվածի է, ավելին` արձանագրված առաջընթացի պայմաններում կառավարությունն առաջիկայում ստիպված կլինի վերանայել ծրագրված ցուցանիշները: Իր հերթին, Կարստենսը ԱՄՀ կողմից պատրաստակամություն է հայտնել, հարկ եղած դեպքում, այդ հարցում մասնագիտական աջակցություն ցուցաբերել հանրապետության կառավարությանը: Նա նշել է, թե ուրախ է արձանագրել, որ Հայաստանում զգալի տեղաշարժեր են եղել տնտեսության մեջ: Նա նաեւ ողջունել է հարկային եւ մաքսային ոլորտներում բարեփոխումներ իրականացնելու` Հայաստանի կառավարության նախաձեռնությունը, որը, նրա խոսքերով, կարեւոր է տնտեսության մեջ թափանցիկության ապահովման, կառավարման արդյունավետության եւ ներդրումների միջավայրի բարելավման համար: Զրուցակիցները քննարկել են նաեւ Հայաստանի դրամավարկային եւ հարկային քաղաքականությանը, ազգային արժույթի արժեւորման, ֆինանսական հատվածի զարգացմանն առնչվող հարցեր: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՄԻՊ-ը փաստահավաք աշխատանքներ է իրականացրել Լոռիի աղետի գոտում Տեղում արձանագրվել են բոլոր խնդիրները, հեղեղումների արդյունքում պատճառված վնասները Դատախազությունը կբողոքարկի Սերժ Սարգսյանին և մյուսներին արդարացնելու դատավճիռը Սարգսյանը լրագրողների հետ զրույցում կարծիք էր հայտնել, որ Դատախազությունը դատական ակտը կբողոքարկի ԱԳՆ–ի մոտից բերման ենթարկված 28 անձ ձերբակալվել է ՔԿ–ն նշել է, որ նրանք բռնություն են գործադրել ոստիկանների նկատմամբ Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել Նա մարզվում է Եվգենի Պլյուշչենկոյի ակադեմիայում |