Իտալիան Հայաստանի հետ կկիսի առեւտրային պալատների զարգացման իր փորձը 6 հոկտեմբերի 2005 - 15:51 AMT PanARMENIAN.Net - Հայաստանի նախագահ Ռոբերտ Քոչարյանն այսօր ընդունել է Իտալիայի արտաքին առեւտրի նախարար Ադոլֆո Ուրսոյին, հաղորդում է նախագահի մամլո ծառայությունը: Կարեւորելով հայ-իտալական բարեկամության օրերի անցկացումը Հայաստանում, Ռ.Քոչարյանն ասել է, որ այն երկկողմ կապերի սերտացման եւս մեկ հնարավորություն է: ՀՀ ղեկավարը հայ-իտալական հարաբերությունների զարգացման տեմպերը գնահատել է գոհացուցիչ, նշելով, որ ակտիվացել է քաղաքական երկխոսությունը, աճում է ապրանքաշրջանառության ծավալը: Ա.Ուրսոն իր հերթին երկկողմ հարաբերությունների մակարդակը որակել է գերազանց: Նա տեղեկացրել է, որ իր հետ Հայաստան են ժամանել մեծ թվով գործարարներ, եւ նրանք բավականին խոստումնալից տպավորություններ ունեն: Ադոլֆո Ուրսոն ասել է, որ Իտայիայում բավականին զարգացած են առեւտրային պալատները, եւ ինքը հայ գործընկերների հետ քննարկել է իտալական հաջողված փորձը Հայաստան տեղափոխելու հնարավորությունները: Կողմերը քննարկել են նաեւ փոքր ու միջին ձեռներեցության զարգացմանն աջակցելուն վերաբերող հարցեր: Ռ.Քոչարյանը նշել է, որ փոքր եւ միջին ձեռնարկատիրությունն ու ընտանեկան բիզնեսն առաջնային ուղղություն են մեր երկրի համար, եւ պետությունը փորձում է ստեղծել դրանց զարգացման անհրաժեշտ բոլոր պայմանները: Նա Հայաստանի համար հատկապես կարեւոր է համարել փոքր եւ միջին բիզնեսը արտաքին առեւտրի հետ կապելու իտալական փորձը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Քոչարյանի գրասենյակը հերքել է Բագրատ սրբազանի հետ հանդիպման մասին լուրը «Սա հերթական ֆեյքն է իշխանությունների կողմից»,-ասել է Միկոյանը Մարքեթինգային ընկերության հիմնադիրը՝ Կենտրոն վարչական շրջանի ղեկավար Ավելի վաղ Պետոյանը նշանակվել էր քաղաքապետի խորհրդական Արշակյան․ Ճանապարհ փակելով հարց չեն լուծում՝ չի կարելի նման բան անել Արշակյանը կոչով դիմել է սահմանամերձ գյուղերի բնակիչներին՝ վստահեցնելով, թե նրանց թիկունքում ոչինչ չի արվում Բաքվում խոստովանել են՝ Քարին տակը հիմնահատակ ավերել են․ Տեղում միայն մեկ՝ անհասկանալի օբյեկտ է կառուցվում Հրապարակվել են նաև արբանյակային լուսանկարներ |