«Ռուսաստանի երկաթուղին» մնում է «Հայկական երկաթուղու» կոնցեսիայի համար հայտարարված մրցույթի միակ մասնակիցը 7 դեկտեմբերի 2007 - 15:12 AMT PanARMENIAN.Net - «Ռուսաստանի երկաթուղի» ընկերությունը մնում է «Հայկական երկաթուղու» կոնցեսիայի համար հայտարարված մրցույթի միակ մասնակիցը: Ռուսական ընկերությունը, որը լայնածավալ էքսպանսիա է ծրագրում մերձավոր երկրներում, կարող է ստանալ իր առաջին ակտիվը, զրկվելով մրցակիցներից` հնդկական RITES ընկերությունը հետ է կանչել մրցույթին մասնակցելու իր հայտը: 2006 թվականի հոկտեմբերին Հայաստանի կառավարությունը որոշել է «Հայկական երկաթուղին» կոնցեսիայի հանձնել 30 տարի ժամկետով` 20 տարով այն երկարացնելու իրավունքով: Այդ ակտիվի հավակնորդները երկուսն էին` ՌԵԹ-ն ու հնդկական RITES ընկերությունը, սակայն դեկտեմբերի 6-ին RITES-ը հրաժարվեց հետագա պայքարից եւ ՌԵԹ-ը մնաց միակ հավակնորդը: Մրցույթի պայմաններով այն կկայանա անկախ մասնակիցների քանակից: Մրցույթի պայմաններով, կոնցեսիոները պարտավոր է 10 մլն դոլար կանխավճար անել եւ 170 մլն դոլար ներդնել երկաթուղու արդիականացման մեջ, մասնավորապես 1200 վագոնների եւ լոկոմոտիվի վերականգնման եւ ձեռք բերման համար, հաղորդում է ՌԲԿ-ն: «Հայկական երկաթուղի» ՓԲԸ-ն 100-տոկոսանոց պետական ընկերություն է, որը հանդիսանում է հանրապետության ողջ շարժակազմի եւ 900 կմ ընդհանուր երկարությամբ երկաթուղային ենթակառուցվածքների միակ սեփականատերը: Ընկերության ակտիվների արժեքը կազմում է շուրջ 40 մլն դոլար, մաքուր եկամուտը 2006 թվականի արդյունքում` 1,2 մլն դոլար է: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Փաշինյան․ Ալմաթիի հռչակագիրը խաղաղության պայմանագրում ներառելու հարցը կքննարկվի մայիսի 10-ին Վարչապետին հացրել են, թե ինչո՞ւ Բաքուն չի համաձայնում Ալմաթիի հռչակագիրը ներառել նաև խաղաղության պայմանագրում Բայրամովը ՀՀ հետ հարաբերությունների կարգավորումը քննարկել է ԵԱՀԿ գործող նախագահի հետ Կողմերը մտքեր են փոխանակել երկկողմ և տարածաշրջանային այլ հարցերի շուրջ Պետդեպի խոսնակը հրաժարվել է մեկնաբանել ԱՄՆ դեսպանի այցը Շուշի Նա չի մեկնաբանել նաև Ալմաթիում կայանալիք ՀՀ և Ադրբեջանի ԱԳ նախարարների հանդիպումը Միրզոյան. Այդ «պինգ-պոնգ դիվանագիտությամբ» արդեն հաջողվել է համաձայնության գալ բազմաթիվ հարցերի շուրջ Նա նաև զգուշավոր լավատեսություն է հայտնել առաջիկայում Ալմաթիում սպասվող բանակցությունների առումով |