Հայաստանի էկոնոմիկայի նախարարությունում կրթության ոլորտում դոնոր-կազմակերպությունների խորհրդաժողով է տեղի ունեցել

PanARMENIAN.Net - Դեկտեմբերի 1-ին ՀՀ էկոնոմիկայի նախարարության նիստերի դահլիճում տեղի ունեցավ կրթության ոլորտում դոնոր-կազմակերպությունների խորհրդաժողով, հաղորդում է նախարարության մամլո ծառայությունը:



Ինչպես ասվում է հաղորդագրության մեջ, միջոցառմանը մասնակցեցին մի շարք պետական եւ հասարակական կազմակերություններ, այդ թվում` ՀՀ էկոնոմիկայի, կրթության եւ գիտության, գյուղատնտեսության, առողջապահության, աշխատանքի եւ սոցիալական հարցերով նախարարությունները, ինչպես նաեւ կրթության ոլորտում գործող դոնոր կազմակերպություններ, հասարակական կազմակերպություններ, այլ գործընկերներ եւ աջակիցներ:



Խորհդաժողովի նպատակը Հայաստանի կրթական համակարգում առկա խնդիրներն առավել արդյունավետ լուծելու համար հաղորդակցման եւ փոխգործակցության միջոցով դոնոր կազմակերպությունների եւ ՀՀ կառավարության միջեւ փոխհամաձայնության ապահովումն էր: