ՀՀ Ֆինանսների նախարարություն. Թանկարժեք մետաղների պետական գները

PanARMENIAN.Net - ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից մայիսի 17-ից 23-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման գները` արտահայտված ՀՀ դրամով, հաղորդում է նախարարության տեղեկատվության և հասարակայնության հետ կապերի բաժինը:

Հաղորդագրության համաձայն, ոսկու գնման գինը`կկազմի 13989.83 (+414.09), բացթողնման գինը` 15206.34 (+450.1), արծաթի գնման գինը` 218.23 (+12.42), բացթողնման գինը` 237.21 (+13.5), պլատինի գնման գինը կկազմի 19513.26 (+344.56), բացթողնման գինը` 21210.07 (+374.53), իսկ պալադիումի գնման գինը` 6095.67 (+220.94), բացթողնման գինը` 6625.73 (+240.15) դրամ: