Ընթացիկ տարում Երևանի կոնյակի գործարանը կմթերի 29 հազ. տոննա խաղող` 1 կգ 130 դրամով

14 սեպտեմբերի 2010 - 17:16 AMT

PanARMENIAN.Net - 2010 թ. Երևանի կոնյակի գործարանը մթերելու է 29 տոննա խաղող` Արմավիրի և Այգավանի մասնաճյուղերի համար 1 կգ-ի գինը սահմանելով 130 դրամ, իսկ Տավուշի տարածաշրջանի համար` 120 դրամ: Այս մասին սեպտեմբերի 14-ին Երևանում տեղի ունեցած մամլո ասուլիսի ժամանակ ասել է ԵԿԳ գործադիր տնօրեն Արա Գրիգորյանը: Նրա խոսքերի համաձայն, բերքահավաքն ու բերքի ընդունումն անցկացվելու է համաշխարհային բարձր չափանիշներին համապատասխան:

Ընդ որում, Արմավիրի մասնաճյուղում մթերումը կմեկնարկի սեպտեմբերի 15-ին, Այգավանի մասնաճյուղում (Արարատի մարզ)` սեպտեմբերի 16-ին, իսկ Բերդի մասնաճյուղում (Տավուշի մարզ)` սեպտեմբերի 22-ին:

2010 թ. ԵԿԳ 6500 ֆերմերի հետ ստորագրել է 5640 պայմանագիր: Մթերվող խաղողի համար վճարվող գումարը մթերումից հետո 10 օրվա ընթացքում կփոխանցվի ֆերմերների բանկային հաշվի համարներին: «Մենք ընդունելու ենք միայն բարձրորակ խաղող` առանց զիջումների: Խաղողի որակի ցուցանիշները մենք վերահսկում ենք ամբողջ տարվա ընթացքում` ֆերմերներին ապահովելով անհրաժեշտ ամեն ինչով»,- ասել է ԵԿԳ ղեկավարն, ավելացնելով, որ ընթացիկ տարում խաղողի բերքը գերազանցում է անցյալ տարվա ցուցանիշը 30 տոկոսով:

Միակ տարածաշրջանը, որտեղ բերքը տուժել է կարկուտից` Տավուշի մարզն է: Այդ մարզի ֆերմերները գործարանից պարտք են վերցրել 6 մլն դրամ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով