Ամերիաբանկը կֆինանսավորի առևտրային հայտերը 4 նոյեմբերի 2010 - 16:57 AMT PanARMENIAN.Net - Նոյեմբեի 4-ից Հայաստանի վարկավորման շուկայում հասանելի կդառնա «Ամերիաբանկ» ՓԲԸ-ի նոր գործիքը: Ամերիաբանկը 100 տարվա պատմության կապակցությամբ շարունակում է 100 անակնկալների շարքը: Այս անգամ անակնկալները վերաբերվում են բանկային նոր ծառայություններին, որոնք գործարարների համար ֆինանսավորման աննախադեպ հնարավորություններ են ընձեռում` գրավը փոխարինել պայմանագրով: Ըստ «Ամերիաբանկ» ՓԲԸ կորպորատիվ հաճախորդների գծով տնօրեն Լևոն Արևշատյանի, որպես կանոն, վարկային պայմանագիրը նախատեսում է որոշակի գրավի առկայություն: «Սակայն գոյություն ունեն վարկավորման այնպիսի սխեմաներ, որոնք չեն պահանջում գրավի առկայություն»,-Երևանում կայացած մամլո ասուլիսում հայտարարել է Լևոն Արևշատյանը: Ըստ նրա, գնման պատվերի ֆինանսավորումը նախատեսված է բոլոր այն դեպքերի համար, երբ առկա է պատվերի իրականացման պայմանագիր, սակայն ընկերությունը չունի անհրաժեշտ ֆինանսական միջոցներ տվյալ պատվերն իրականացնելու համար և անհրաժեշտ է գրավ` վարկ ստանալու համար: Առաջարկվող այս նոր ֆինանսավորման համար որպես հիմնական ապահովվածության միջոց հանդիսանում է ընկերության կողմից կնքված մատակարարման պայմանագիրը: Ըստ Արևշատյանի, այդ դեպքում բանկը պատրաստ է ֆինանսավորել անհրաժեշտ գումարի 75 տոկոսը, երկու պայմանի առկայության դեպքում՝ եթե մատակարարող ընկերությունը լավ պատմություն ունի, ընկերությունն ունի լավ ֆինանսական և վարկային հնարավորություններ: Հայտի ֆինանսավորման առավելագույն ժամակետը կարող է կազմել 180 օր՝ 16 տոկոս տոկոսադրույքով մինչև 200 000 ԱՄՆ դոլար, ընդ որում, ֆինանսավորումը կարող է կատարվել ինչպես դրամով, այնպես էլ դոլարով: Ամերիաբանկի նոր գործիքից կկարողանան օգտվել ոչ միայն բանկի հաճախորդները, այլ նաև բանկի պահանջներին համապատասխանող ցանկացած ընկերություն: Իր հերթին «Ամերիա» ընկերության խորհրդատվության ծառայության տնօրեն Գագիկ Սահակյանը հավելել է, որ զարգացման ռազմավարության շրջանակներում բանկը իոնվացիոն ծառայություններ է ներդնում Հայաստանում՝ ադյպիսով ապահովելով միջազգային բանկային ծառայությունների հասանելիությունը հայ սպառողների համար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից Հունգարիայի ԱԳ նախարար. Պատրաստվում ենք ՀՀ և ԵՄ-ի միջև վիզաների ազատականացման երկխոսությունը սկսել Հուլիսի 1-ից Հունգարիան է ստանձնում ԵՄ նախագահությունը |