DigiTec Expo-ի շրջանակներում ՏՏ ոլորտի միջազգային ընկերությունները կհայտարարեն հայկական շուկա մուտք գործելու մասին27 հոկտեմբերի 2010 - 17:19 AMT PanARMENIAN.Net - DigiTec Expo ցուցահանդեսի շրջանակներում համաշխարհային ճանաչում ունեցող միջազգային ընկերությունները կհայտարարեն հայկական շուկա մուտք գործելու մասին: Այդ մասին հոկտեմբերի 27-ին լրագրողներին է ասել «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը: Ըստ նրա, արդեն վեցերորդ անգամ անցնող ցուցահանդեսը զարգանում է ոչ միայն քանակական, այլ նաև որակական առումներով: Առանձնակի նշանակություն է տրվում նորաստեղծ կազմակերպությունների, ինչպես նաև կրթական հաստատությունների (այդ թվում նաև դպրոցների) մասնակցությանը, որոնք կներկայացնեն սեփական ինովացիոն մշակումները: «Հայտնի բրենդերը իրենց ելքը շուկա կապում են DigiTec Expo-ի հետ: Ցուցահանդեսի հանդեպ հետաքրքրություն են ցուցաբերում ոչ միայն ՏՏ ընկերությունները, այլ նաև բարձր տեխնոլոգիաների ոլոտրի ձեռնարկությունները»,-ասել է Բագրատ Ենգիբարյանը: Ինչպես լրագրողներին է հայտնել Հայաստանի տեղեկատվական տեխնոլոգիաների ընկերությունների միության գործադիր տնօրեն Կարեն Վարդանյանը, DigiTec Expo 2010-ին կմասնակցեն տեխնոլոգիաների ոլորտի շուրջ 65 ընկերություններ, կազմակերպիչները ակնկալում են շուրջ 15 հազար այցելուներ: Մինչդեռ, նախորդ տարիներին մասնակիցների քանակը չի գերազանցել 45-ը: «Որոշ չափով մենք հասանք մեր նպատակին՝ DigiTec Expo-ն դարձավ տարածաշրջանի խոշորագույն ցուցահանդեսը, առնվազն՝ Անդրկովկասում»,-ասել է նա: DigiTec Expo 2010-ը տեղի կունենա հոկտեմբերի 29-31-ը Երևանում: Միջոցառման շրջանակներում կանցկացվեն DigiTec Expo 2010 համաժողովը, Ճարտարագետների համահայկական համաժողովը, DigiТec Start Up forum-ը, DigiLife սեմինարների շարքը, Հայաստանի բաց առաջնությունը համակարգչային խաղերի նախագծողների շրջանում, գիտության «Երևան» փառատոնը և ArmRobotics բաց առաջնությունը: Ուշագրավ Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի |