 Ջոն Հեֆերն. Հայաստանի և ԱՄՆ-ի միջև համագործակցությունը հիմա ավելի ամուր է, քան երբևէ  2 ապրիլի 2012 - 18:54 AMTPanARMENIAN.Net - Հայաստանի և ԱՄՆ-ի միջև երկկողմանի հարաբերությունները հիմա շատ սերտ են և օրեցօր ուժեղանում են, իսկ համագործակցությունը շատ խորն է և ամուր, քան երբևէ: Այդ մասին հայտարարել է Հայաստանում ԱՄՆ դեսպան Ջոն Հեֆերնը Հայաստանի և ԱՄՆ-ի միջև դիվանագիտական հարաբերությունների 20-ամյակի առթիվ կայացած միջոցառմանը: «Մեր երկխոսությունը գտնվում է ամենաբարձր մակարդակում: Նախագահ Սարգսյանն արդեն հանդիպել է նախագահ Օբամայի հետ, իսկ պետքարտուղար Քլինթոնը 18 տարվա մեջ առաջին անգամ եղել է այստեղ, և հուսով ենք, որ այս տարի կրկին կայցելի Հայաստան»,- նշել է նա: Դեսպանը նշել է, որ երկրները համագործակցում են ամենատարբեր ոլորտներում, նշելով, որ ԱՄՆ-ը փորձում է օգնել Հայաստանում ժողովրդավարության կայացման, բարեփոխումներ իրականացնելու գործում: Նա ընդգծել է, որ անհրաժեշտ է ավելի ամրապնդել տնտեսական համագործակցությունը, ավելացնել երկրների միջև ապրանքաշրջանառությունը: «Այն կազմում է տարեկան 200-250 մլն դոլար: Պետք է միջոցներ գտնել երկկողմանի առևտուրը և Հայաստանում ներդրումների ծավալն ավելացնելու համար: Կարծում եմ, որ դա լավ կլինի թե Հայաստանի, թե ԱՄՆ-ի համար»,- նշել է Հեֆերնը: Ինչ վերաբերվում է Իրանի վրա ԱՄՆ ռազմական հարվածի դեպքում Հայաստանի համար հնարավոր հետևանքների մասին հարցին, ապա դեսպանը կոնկրետ չի պատասխանել և նշել է, որ ԱՄՆ-ը համագործակցում է Հայաստանի իշխանությունների հետ անվտանգության հարցերում:   6 02.04.12 - ԱՄՆ դեսպան Ջոն Հեֆերնը հանդես եկավ Հայաստան-ԱՄՆ դիվանագիտական հարաբերությունների քսանամյակին նվիրված ելույթով          Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարելՔննչական կոմիտեի փորձաքրեագիտական կենտրոն կստեղծվի ՊՈԱԿ-ն ունենալու է նաև տարածքային ստորաբաժանումներ ՀՀ մարզերում, ընդհանուրը՝ 90 հաստիքային միավոր |
