5 ամսվա ընթացքում ՀՀ պետբյուջեի եկամուտները գերակատարվել են 0.5 մլրդ դրամով 7 հունիսի 2012 - 12:26 AMT PanARMENIAN.Net - Առաջին 5 ամիսների արդյունքում Հայաստանի 12-ամսյա ինֆլյացիոն ցուցանիշը կազմել է 0.5 տոկոս: Այս մասին հունիսի 7-ին ՀՀ կառավարության նիստի ժամանակ, որն արդեն հրաժարական է տվել, սակայն շարունակում է աշխատել` նախքան նորի ձևավորումը, հայտարարել է ՀՀ ֆինանսների նախարարի ժամանակավոր պաշտոնակատար Վաչե Գաբրիելյանը: Ընդ որում, տնտեսական ակտիվության ցուցանիշը կազմել է 7.2 տոկոս: Ըստ նրա, արդյունաբերության աճը կազմել է 115.3 տոկոս, աճ է գրանցվել նաև էլեկտրաէներգիայի արտադրությունում, արտահանման աճը կազմել է 117.8 տոկոս, ներկրմանը` 108.7: Ինչ վերաբերում է պետբյուջեի կատարողականին, ապա այստեղ, Վաչե Գաբրիելյանի խոսքով, 2012թ հունվար-մայիս ամիսներին հարկային մուտքերը և պարտադիր սոցվճարումները կազմել են 322.7 մլրդ դրամ: Այս առնչությամբ նա հավելել է, որ ՀՀ պետբյուջեի ծախսերը կազմել են 341 մլրդ դրամ, պակասուրդը` 9.5 մլրդ, ինչը կես տարով նախատեսվածից քիչ է`պետբյուջեի եկամուտները 3 մլրդ դրամով ավելացնելու հաշվին: «Բացի այդ, պետբյուջեի ծախսերը թերակատարված են, ինչը կապված է սեզոնային գործոնի հետ, երբ մենք ծախսում ենք 7-8 տոկոսով պակաս»,-ասել է նա: Այսպիսով, պետբյուջեի եկամուտները գերակատարվել են 0.5 մլրդ դրամով, արդյունքում Հայաստանի պետբյուջեի պակասուրդը նախատեսվածից քիչ է, ամփոփել է Վաչե Գաբրիելյանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |