 Ստեփան Սաֆարյան. Դիվերսիաները վկայում են, որ միջազգային հանրությունը կամ չի կարող, կամ չի ուզում ճնշում գործադրել Բաքվի հանդեպ 7 հունիսի 2012 - 16:34 AMT PanARMENIAN.Net - Ադրբեջանական դիվերսիաները շփման գծում վկայում են այն մասին, որ միջազգային հանրությունը կամ չի կարող, կամ չի ուզում ճնշում գործադրել Բաքվի հանդեպ, կամ նրան այնքան էլ չի հետաքրքրում թե ինչ է կատարվում այս տարածաշրջանում, նույնիսկ պատերազմը: Այդ մասին Երևանում լրագրողներն է ասել ընդդիմադիր «Ժառանգություն» կուսակցության գլխավոր քարտուղար Ստեփան Սաֆարյանը: «Դա շատ վտանգավոր է, քանի որ ստացվում է, որ մենք անվերահսկելի հարևան ունենք, որի վրա ոչ ոք չի կարող ազդել»,-ասել է նա: Ըստ Սաֆարյանի, ադրբեջանական իշխանություններն իրենց գործողություններով փորձում են ապացուցել հանրությանը, որ «Ադրբեջանն ուժեղ է և կարող է հաղթել, որ նրա հետ աշխարհում հաշվի են նստում»: Այդ դիվերսիաների մեկ այլ նպատակն է համաշխարհային հանրության արձագանքը ստուգելը ղարաբաղյան հակամարտության հնարավոր ուժային լուծման դեպքում: «Ադրբեջանը փորձում է տնտղել, թե ինչպիսին կլինի համաշխարհային հանրության արձագանքը, եթե նա արկածախնդրության գնա: Կհանդուրժեն արդյոք դա, հավանություն կստանան որոշակի շրջանակներից թե ոչ»,-ասել է նա: Սաֆարյանը ուշադրությունը հրավիրել է նաև այն հանգամանքի վրա, թե Հիլարի Քլինթոնի Բաքու այցելության ժամանակ որքան մեծ ուշադրություն է դարձվել էներգետիկ հարցերի շուրջ բանակցություններին: Նա նշել է, որ Ադրբեջանը փորձում է «ավելի թանկ վաճառել պատերազմ չսկսելու իր մեծահոգությունը» և էներգետիկ հարցերում Արևմուտքին սատարելու դիմաց հասնել նրան, որ Արևմուտքն աջակցի նրան իր խնդիրների լուծման մեջ:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Երևանում բողոքի ակցիաները վերսկսվել են․ 38 բերման ենթարկված կա  Աբովյան փողոցում ոստիկանությունն ուժ է կիրառել և բերման ենթարկել ցույցի մասնակիցներինԱլիևի անվտանգության ծառայության պետի ընտանիքը միլիոնավոր դոլարների անշարժ գույք ունի Լոնդոնում և Դուբայում Էյուբովն ավելի քան 20 տարի Ալիևի անվտանգության ծառայության պետն է, մինչ այդ էլ այդ պաշտոնը զբաղեցրել է նրա հոր օրոքՀՀ ԶՈւ–ն ռազմավարական հրամանատարաշտաբային զորավարժություն է սկսել Անցկացվելու են մեծաքանակ մարտավարական և մարտավարամասնագիտական վարժանքներ |
