Հայաստանում բժշկական ապահովագրությունից օգտվելու մշակույթը նոր է ձևավորում և դրանից օգտվողների քանակը դեռևս կազմում է բնակչության ընդամենը 5-10 տոկոսը:
Այս մասին այսօր լրագրողների հետ հանդիպմանն ասաց «Նաիրի Ինշուրանս» ապահովագրական ընկերության անձնական պահանջների կարգավորման վարչության պետ` Արմեն Շահինյանը` նշելով, որ այդ տոկոսի մեջ էլ ներառված չեն բնակչության բոլոր խավերը, ապահովագրությունից օգտվող քաղաքացիների հիմնական մասը պիլոտային ծրագրով դիմողներն են:
Խոսելով պարտադիր բժշկական ապահովագրության մասին` Արմեն Շահինյանը նշեց, որ ծրագիրը դրական արդյունք է տվել և շատերը, ունենալով բազմաթիվ առողջական խնդիրներ, որոնք երկար ժամանակ չէին լուծվել սոցիալական փաթեթի շնորհիվ ինչ-որ չափով լուծում են հիմա:
Ըստ Շահինյանի` մեր երկիրը պետք է ամբողջությամբ ներդնի պարտադիր բժշկական ապահովագրության համակարգը:
