Բեջանյանի «Հավերժության ժապավենը» օր օրի թալանվում է31 օգոստոսի 2012 - 16:54 AMT PanARMENIAN.Net - Քանդակագործ Դավիթ Բեջանյանի «Հավերժության ժապավենը» պղնձաձույլ արձանը Չարենցավանի մոտ օր օրի թալանվում է: Ինչպես PanARMENIAN.Net ի թղթակցի հետ զրույցում հայտնեց քանդակագործի կինը` ՀՀ վաստակավոր արտիստուհի Նադեժդա Սարգսյանը, արձանը շարունակում են թալանել: «Եթե 4 ամիս առաջ` մայիսի սկզբին գողացան արձանի տղամարդու գլուխը, ապա այժմ բացակայում է նաև ոտքը, ինչպես նաև այլ հատվածներ: Ես մի քանի օր առաջ կրկին դիմել եմ ՀՀ մշակույթի նախարարությանը, որը հերթական անգամ խոստացել է զբաղվել այդ հարցով: Բայց առայժմ ոչինչ չի արվում»,- նշեց նա: PanARMENIAN.Net ը փորձեց Երևան-Սևան մայրուղու վրա` Չարենցավանի մոտ 1974թ. կանգնեցված 20մ բարձրությամբ արձանի հետագա ճակատագրի մասին տեղեկանալ մշակույթի նախարարությունից, որտեղից հայտնեցին, որ արձանի գլխի առևանգումից հետո նախարարությունը գողերին գտնելու համար դիմել է Կոտայքի մարզի ոստիկանություն: Անդրադառնալով արձանի վերականգնման հարցին` նախարարությունից հաղորդեցին, որ «Հավերժության ժապավենի» վերականգնման հարցը դրված է օրակարգում, և մնում է միայն լուծել ֆինանսական խնդիրը: Իսկ թե երբ է նախատեսված զբաղվել պղնձաձույլ արձանի վերականգնման համար գումարի հատկացման հարցով, նախարարությունը դժվարացավ հստակ ժամկետներ նշել: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |