Դավիթ Հարությունյան. Սաֆարովի գործում Հայաստանը պետք է իր ճանապարհով գնա՝ հույսը չդնելով ԵԽ վրա 9 հոկտեմբերի 2012 - 15:20 AMT PanARMENIAN.Net - Եվրոպայի խորհրդի խորհրդարանական վեհաժողովում (ԵԽԽՎ) Ռամիլ Սաֆարովի գործի քննարկման ժամանակ պատգամավորների մեծ մասը սատարեց Հայաստանի դիրքորոշմանն այդ հարցում: Այդ մասին խորհրդարանում կայացած ճեպազրույցում հայտարարել է ԵԽԽՎ-ում հայկական պատվիրակության ղեկավար Դավիթ Հարությունյանը: Ըստ նրա, պատգամավորներն իրենց ելույթներում դատապարտել են այլատյացությունն Ադրբեջանում: Հարությունյանը մասնավորապես նշել է, որ նույնիսկ հունգարացի պատգամավորները դատապարտեցին կատարված փաստը՝ հայտարարելով, որ Հունգարիայի կառավարությունը կոպիտ սխալ է թույլ տվել այս հարցում: Դավիթ Հարությունյանը հայտնել է, որ ԵԽԽՎ իրավական հարցերի հանձնաժողովը զեկույց կպատրաստի, այդ թվում հիմք ընդունելով նաև Սաֆարովի գործի քննարկումը, որտեղ մեխանիզմներ կարող են ներկայացվել, որոնք կբացառեն նման դեպքերն ապագայում: Ինչ վերաբերում է այն հարցին, թե ինչու ԵԽԽՎ-ն ոչ մի հայտարարություն չարեց կամ բանաձև չընդունեց Սաֆարովի գործի վերաբերյալ, ապա Հարությունյանը նշեց, որ ըստ ԵԽԽՎ կանոնակարգի ընթացիկ քննարկումներից հետո նման բանաձևերի ընդունում չի նախատեսվում: PanARMENIAN.Net ի թղթակցի հետ զրույցում Դավիթ Հարությունյանը նշել է, որ Սաֆարովի հարցով հայտարարություններ են արել ԵԽԽՎ ամենահեղինակավոր կառույցները, այդ թվում նախագահը, քարտուղարն ու մարդու իրավունքների գծով հանձնակատարը: «Մենք չպետք է ինչ-որ բանի սպասենք՝ Հայաստանը պետք է իր ճանապարհով գնա: Մենք արձագանք էինք պահանջում, մենք այն ստացանք: Մենք իրավական հարց էինք բարձրացնում՝ այժմ այդ հարցը քննարկման փուլում է: Սակայն, մենք չպետք է մեր սպասելիքները կապենք նրա հետ, թե ինչ կասի Եվրոպայի խորհուրդը»,-ասել է նա: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Բագրատ սրբազան. ՔՊ բարձրաստիճան անդամներ ներքին ուղերձներ են հղում, թե ինչպես կարող են միանալ մեզ «Ճիշտ ենք անում, եթե խառվում ենք քաղաքականությանը՝ դուք չեք կարողանում, դրա համար մենք ենք խառնվում»,–ասել է նա ԱՄՆ դեսպանը Շուշի է այցելել Մինչ օրս նման այց տեղի չէր ունեցել Ավինյան․ «Վեոլիա ջրի» հետ պայմանագիրը կվերանայվի՝ ամեն բակում չենք կարող կոյուղու հարցով զբաղվել Ավինյանն անդրադարձել է առատ տեղումների արդյունքում քաղաքում առաջացած որոշակի խնդիրներին Մետրոն ավելի շուտ կսկսի աշխատանքը և ավելի ուշ կավարտի Գրաֆիկի փոփոխությունը կլինի մայիսի ն13–ից |