Գաֆէսճեան արվեստի կենտրոնում մեկնարկում է «Իմ երազած Երևանը» նոր կրթական ծրագիրը17 հոկտեմբերի 2012 - 14:36 AMT PanARMENIAN.Net - Հոկտեմբերի 18-ին Գաֆէսճեան արվեստի կենտրոնում մեկնարկում է «Իմ երազած Երևանը» նոր կրթական ծրագիրը: Այն նախատեսված է մինչև 15 տարեկան երեխաների համար և իրականացվում է «Երևան. հայացք ապագայից» ցուցահանդեսի շրջանակներում: Ծրագրի առաջին մասում դպրոցականները շրջայց կունենան «Սասունցի Դավիթ» պարտեզի սրահում: Նրանք կծանոթանան «Երևան. հայացք ապագայից» ցուցադրությանը: Ծրագրի երկրորդ մասը կշարունակվի կենտրոնի Ստեղծագործական սրահում: Երեխաներին կտրվեն Երևան քաղաքի հետ կապված հարցեր: Այնուհետև երեխաները կփորձեն պատկերել «իրենց Երևանը»: «Այս ծրագրի միջոցով երեխաները բացահայտում են հին և նոր Երևանը և ստեղծում իրենց «երազած Երևանի» պատկերը»,- մեկնաբանեց Գաֆէսճեան արվեստի կենտրոնի տնօրենի ժամանակավոր պաշտոնակատար Վահագն Մարաբյանը: Ծրագրին մասնակցությունն անվճար է, պարտադիր նախնական գրանցմամբ: «Երևան. հայացք ապագայից» ցուցադրությունը կազմակերպվեց Երևանի պատմության թանգարանի հետ և ազդարարեց 2012 թ. Էրեբունի-Երևան տոնակատարությունների սկիզբը: Ցուցադրությանը ներկայացված են հայազգի մեծանուն արվեստագետների գեղանկարչական և գրաֆիկական աշխատանքներ՝ անցյալ դարի առաջին կեսի երևանյան համայնապատկերներով: Միևնույն ժամանակ ընդգրկված են ժամանակակից Երևանի տարբեր լուսանկարներ, որոնք խորհրդանշում են մեր քաղաքի առաջընթացը և ապագայից հայացք ուղում պատմական Երևանին: Ընդ որում, հաշվի առնելով «Երևան. հայացք ապագայից» ցուցահանդեսի այցելուների մեծ քանակը և ոգևորությունը, ցուցահանդեսը մինչև փակումը` դեկտեմբերի 16-ը կշարունակի գործել անվճար: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |