Հայաստանում քննարկում են ոսկերչության ազատ գոտու ստեղծման հարցը30 հոկտեմբերի 2012 - 12:53 AMT PanARMENIAN.Net - Հայ ոսկերիչների համաշխարհային միությունը (Armenian Jewellers Association, AJA) Հայաստանի կառավարության հետ միասին մշակում է հանրապետության տարածքում ոսկերչության ազատ գոտու (Jewelry Free Zone) ստեղծման ռազմավարությունը: Այդ մասին, ելույթ ունենալով հոկտեմբերի 30-ին Երևանում բացված ոսկերչական խորհրդաժողովին, հայտնել է AJA նախագահ Գագիկ Գևորգյանը: «Մենք վստահ ենք, որ համագործակցության շնորհիվ կկարողանանք միասին նոր ծրագրեր նախաձեռնել, ներդրումներ ներգրավել»,-ասել է նա: Նախագահ Սերժ Սարգսյանի մասնակցությամբ հոկտեմբերի 29-ին Երևանի «Արմենիա Մարիոթ» հյուրանոցում բացվեց ոսկերչական իրերի ցուցահանդեսը: Ցուցահանդեսում ներկայացված են ինչպես հայրենական, այնպես էլ ավելի քան 70 օտարերկրյա ընկերությունների և անհատների աշխատանքներ Ներկայացնելով AJA ձեռքբերումները՝ Գագիկ Գևորգյանն ասել է, որ ոսկերչական ցուցահանդեսը կարևորագույններից է տարածաշրջանում, որի նպատակն է նաև խթանել այդ ոլորտի զարգացումը Հայաստանում: Բացի այդ, նա նշել է, որ AJA-ն իր դպրոցներն է հիմնել Երևանում, Ստեփանակերտում, Մոսկվայում ու Պետրոզավոդսկում: «Մենք մի պարզ նպատակ ունենք՝ Հայաստանի շուրջ համախմբել աշխարհի բոլոր հայ ոսկերիչներին, վստահ եմ, որ դա մեզ կհաջողվի»,-ասել է նա: Գագիկ Գևորգյանը նշել է նաև, որ միության ֆինանսական աջակցությամբ հրատարկվում է երկու արժեքավոր ալբոմ: Առաջինը՝ «Վասպուրականի քսաներորդ դարի սկզբի մշակույթն ու կենցաղը» շտեմարանը, որը հրատարակության է պատրաստում Սանկտ Պետերբուրգի էթնոգրաֆիայի պետական թանգարանը: Եվ երկրորդը՝ շուտով լույս կտեսնի Մայր Աթոռ Սուրբ Էջմիածնի հետ համատեղ մշակվող մեր կաթողիկոսների գավազանների ալբոմ-շտեմարանը: Ցուցահանդեսը, որը կտևի մինչև հոկտեմբերի 31-ը, անցնում է երկրորդ անգամ և նվիրված է միության ստեղծման 15-ամյակին: Այս տարի առաջին անգամ նշվում է Հայ ոսկերչի ազգային օրը՝ հոկտեմբերի 28-ին: Ցուցահանդեսում ներկայացված են շուրջ 70 օտարերկրյա ընկերությունների ու առանձին վարպետների աշխատռանքներ ԱՄՆ-ից, Ռուսաստանից, Թաիլանդից, Լիբանանից, Հնդկաստանից, Թուրքիայից, Չինաստանից, Ավստրալիայից, Ճապոնիայից և այլն: Ցուցահանդեսին մասնակցում է նաև Ոսկերիչների համաշխարհային կոնֆեդերացիայի նախագահ Գաետանո Կավալիերին: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՀԱՊԿ․ ՀՀ–ն շարունակում է լինել կառույցի լիիրավ անդամ Այնտեղ նաև ուշադրությունը հրավիրել են ՀՀ ԱԳ նախարար Արարատ Միրզոյանի այն պարզաբանմանը ԲՀԿ․ Անթույլատրելի է ներքաղաքական հարցերի, խնդիրների լուծումը տեսնել լուսաձայնային նռնակների մեջ Նշվում է, որ դա կբերի նոր փակուղու Բելառուսը հետ է կանչում ՀՀ–ում իր դեսպանին` խորհրդակցությունների ՀՀ դեսպանության ներկայացուցիչը կանչվել է Բելառուսի ԱԳՆ The Guardian-ը COP 29-ին ընդառաջ գրել է Ադրբեջանում մարդու իրավունքների խախտման, քաղբանտարկյալների և հայ գերիների մասին Նշվում է, որ Ադրբեջանը համարվում է աշխարհի ամենակոռումպացված երկրներից մեկը |