«168 ժամ». Ծառուկյանը մտածում է քաղաքականությունից դուրս գալու մասին11 դեկտեմբերի 2012 - 09:59 AMT PanARMENIAN.Net - «Բարգավաճ Հայաստան» կուսակցության խորհրդարանական խմբակցության բրյուսելյան աղմկահարույց այցից հետո թվում էր, թե Հայաստան վերադառնալուն պես Գագիկ Ծառուկյանը պետք է հայտարարեր նախագահական ընտրություններում առաջադրվելու մասին: «168 ժամ»-ը գրում է, որ Բրյուսելից վերադառնալուց հետո, սակայն, Գագիկ Ծառուկյանը հանդիպել է նախագահ Սերժ Սարգսյանի հետ, ինչից հետո ԲՀԿ-ն հայտնվել է անորոշ վիճակում: Սարգսյան-Ծառուկյան հանդիպման մասին տեղեկությունը չի հերքվել, սակայն այդ մասին նաև պաշտոնական տեղեկատվություն չի տարածվել: Ըստ «168 ժամ»-ի լավատեղյակ աղբյուրների` մինչ Գագիկ Ծառուկյանը հանդիպումներ էր ունենում Բրյուսելում, նրա թիմակիցներից ոմանց հետ «աշխատանքային հանդիպումներ» են ունեցել իրավապահ և հարկային մարմինների ներկայացուցիչները: Մասնավորապես, ԲՀԿ-ական կամ ԲՀԿ-ամերձ կիսաքրեական տարրերին իրավապահ մարմիններից հասկացրել են, որ ԲՀԿ-ական գաղափարախոսությանը հավատարիմ մնալու դեպքում նրանց գործողություններն այլևս աննկատ չեն մնա: Նույնը փոխանցվել է ԲՀԿ-ական գործարարներին: Բրյուսելից վերադառնալուց հետո նշված շրջանակները Գագիկ Ծառուկյանին փոխանցել են նրա բացակայության ընթացքում տեղի ունեցածի մասին, և այդ պատճառով Ծառուկյանն ինքն է հանդիպում խնդրել Սերժ Սարգսյանից: ԲՀԿ ղեկավարը վերջինիս ասել է, որ պատրաստ է կատարել նախագահի ցանկացած որոշում, սակայն Սերժ Սարգսյանը նրան փոխանցել է, որ ինքը պետք է որոշում կայացնի: Այսինքն՝ Ծառուկյանը կորցրել է նախագահական ընտրություններում իր այս կամ այն քայլը որպես Սարգսյանին աջակցություն ներկայացնելու, ուստիև՝ դրա դիմաց ինչ-որ բան ակնկալելու հնարավորությունը: Թերթը կրկնում է՝ վերը նշվածը այդ հանդիպման վերաբերյալ ոչ պաշտոնական տեղեկատվություն է, որը փոխանցող ԲՀԿ-ականներն ու ՀՀԿ-ականները պնդում են, թե ստացել են առաջին աղբյուրներից: ՀՀԿ-ական և ԲՀԿ-ական շրջանակներում քննարկվող այս տեղեկությունների համաձայն` Սարգսյանի հետ հանդիպումից հետո Գագիկ Ծառուկյանը մտածում է ոչ միայն նախագահական ընտրություններում առաջադրվելու գաղափարից հրաժարվելու, այլև ընդհանրապես քաղաքականությունից դուրս գալու մասին: Ի դեպ, Գագիկ Ծառուկյանը դեռևս անցած տարվա փետրվարին կայացած ԲՀԿ համագումարում հայտարարել էր. «Հենց հասկանամ, որ չեմ կարողանում կատարել կուսակցության առաջնորդի պարտականությունները, արտահերթ համագումար կհրավիրեմ և հրաժարական կտամ: Իմ փոխարեն կգա նա, ով վայելում է ժողովրդի ավելի մեծ վստահությունը»: Փաստորեն, եթե ճիշտ են ԲՀԿ-ականների նկատմամբ սկսված ճնշումների մասին տեղեկությունները, Գագիկ Ծառուկյանը հայտնվել է մի իրավիճակում, երբ չի կարողանում կատարել կուսակցության առաջնորդի պարտականությունները, այն է՝ պաշտպանել կուսակիցներին: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |