Նարեկացի արվեստի միությունում կանցկացվի Ռուսական մշակույթի օր

PanARMENIAN.Net - Դեկտեմբերի 14-ին Նարեկացի արվեստի միությունում կանցկացվի Ռուսական մշակույթի օր: Միջոցառման կազմակերպիչներն են Հայաստանում «Ռոսհամագործակցության» ներկայացուցչությունը և Նարեկացի արվեստի միությունը:

Ծրագրում 16:30-ին կցուցադրեն Կորնեյ Չուկովսկու հեքիաթների մոտիվներով «Այբոլիտը և Բարմալեյը», «Տզզան ճանճը», «Հրաշք ծառը» մուլտֆիլմերը, ժամը 17:00-ին կբացվի «Ռուսաստանը «Կիլիկիա» առագաստանավից» լուսանկարչական ցուցահանդեսը: Ժամը 17:30-ին տեղի կունենա «Բրյուսով» ֆիլմի շնորահանդեսը: Ֆիլմի ռեժիսորը և սցենարիստն է Սամվել Մաթոսյանը, օպերատորը` Տիգրան Մաթոսյանը, պրոդյուսերը` Նատալյա Սեմինան: Ժամը 18:00-ին կկայանա «Ռոմանսի նուրբ հնչյունների ներքո» համերգը: Կհնչեն Չայկովսկու, Ֆելդմանի, Բուլախովի, Ռախմանինովի, Միրզոյանի ստեղծագործությունները:

Ինչպես հաղորդում է Հայաստանում «Ռոսհամագործակցության» ներկայացուցչությունը, համերգին կմասնակցեն հանրապետական և միջազգային մրցույթների ու փառատոների դափնեկիր, Կոմիտասի անվան Երևանի պետական կոնսերվատորիայի 1-ին կուրսի մագիստրոս Արսեն Ստեփանյանը (տենոր), Կոմիտասի անվան Երևանի պետական կոնսերվատորիայի 1-ին կուրսի մագիստրոս Քրիստինա Սաֆարյանը (սոպրան), Ալեքսանդր Ժույկովը (տենոր), Գոհար Մուրադյանը (դաշնամուր), Հարություն Թագվորյանը (դաշնամուր), ինչպես նաև «Նարեկացի» ժողգործիքների համույթը: Մուտքն ազատ է: