Թեկնածու. Եթե խախտում եղավ, ընտրությունների հեքիաթը վերջանում է15 փետրվարի 2013 - 13:42 AMT PanARMENIAN.Net - ՀՀ նախագահի թեկնածու Րաֆֆի Հովհաննիսյանն իր մորից երբեք չի լսել ցանկություն, որ որդին նախագահ դառնա: «Մայրս՝ Վարդիթերը, երազել է, որ Հայաստանը մեր կյանքի օրերին լինի ազատ, անկախ և ամբողջական երկիր: Այնպես պետք է անենք, որ այդ ակնկալիքները իրականան: Սակայն նա ինձ չի կրթել պաշտոնը ստանձնելու համար, այլ՝ Հայաստան վերադառնալու և լավ քաղաքացի դառնալու»,- այսօր լրագրողների հետ հանդիպման ժամանակ անկեղծացավ նախագահի թեկնածուն: Իսկ նրանում, որ նախագահ կդառնա, վստահ է: Մի պայման կա միայն, որ ընտրությունները լինեն ազատ, արդար, թափանցիկ և չմիջնորդավորված: Ըստ Րաֆֆի Հովհաննիսյանի՝ այս ընտրապայքարում առաջընթաց կա, սակայն խախտումներն առաջվա նման անպակաս են: Խախտումների հացում համապատասխան մարմինների աշխատանքն էլ է բարելավվել, բացեր, սակայն ևս կան: «Մեր ահազանգերի հիման վրա գործ արվում է: Բայց ինչու՞ միայն ընտրություններից երկու օր առաջ: Ինչու՞ ավելի շուտ չեղավ, ահազանգելուց հետո միայն: Համատարած խախտումներ են եղել: Ես կարող եմ արձանագրել, որ անհավասար պայքար է ընթացել, և այդ գնահատականը տալիս է նաև շարքային հայաստանցից»,- նկատեց Րաֆֆի Հովհաննիսյանը: Թեկնածուն պայքարից դժգոհ չէ: «Եթե գնանք ազատ ընտրությունների, առաջին փուլով հաղթելու է ժողովուրդը: Բայց սկսել են ընտրակաշառք բաժանել»,- ասաց Րաֆֆի Հովհաննիսյանն ու ավելացրեց, որ եթե անգամ մեկ ապացույց գտնեն, որ որևէ մեկը հակասահմանադրական գործ է արել, բացակաների փոխարեն քվե են տվել և այն, պատասխան են տալու: Թեկնածուն կարծում է, որ իր հիմանական մրցակից Սերժ Սարգսյանը շահեկանորեն տարբերվում է այլ պաշտոնյաներից, նա ունի լսելու, սխալներն ընդունելու ունակություն: «Անհրաժեշտ է, որ նա ազատ թողնի մարզպետներին, գյուղապետներին, հրամանատարներին, հետ կանչի փողը, ադմինիստրատիվ ռեսուրսը: Դա ավելի մեծ ավանդ կլինի, դա կլինի ժողովրդավարության կերտում: Ես այդ կոչը անում եմ, և ով ով, ինքը ունի այն ուժը այնպես անելու, որ որևէ խախտման ապացույց չգտնենք: Եթե խախտում եղավ, ընտրությունների հեքիաթը վերջանում է»,- ասաց Րաֆֆի Հովհաննիսյանը: Ըստ թեկնածուի՝ առավելությունը ժողովրդի կողմն է: Րաֆֆի Հովհաննիսյանը ցանկություն հայտնեց, որ այս երեք օրերի ընթացքում Սերժ Սարգսյանն ավելի շատ ճիգ թափի՝ իր խոսքը գործի վերածելու համար: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել Քննչական կոմիտեի փորձաքրեագիտական կենտրոն կստեղծվի ՊՈԱԿ-ն ունենալու է նաև տարածքային ստորաբաժանումներ ՀՀ մարզերում, ընդհանուրը՝ 90 հաստիքային միավոր |