ՆԱՏՕ-ն կարող է ֆորում լինել Հայաստանի եւ Թուրքիայի միջեւ առկա խնդիրները լուծելու համար29 հոկտեմբերի 2005 - 00:32 AMT PanARMENIAN.Net - IPAP-ը Անհատական գործողությունների ծրագիր է կոչվում այն պատճառով, որ յուրաքանչյուր երկիր ծրագիրը մշակելիս ելնում է իր շահերից: Այդ մասին հայտարարել է Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ռոբերտ Սիմոնսը` հանդես գալով այսօր Երեւանում տեղի ունեցած «կլոր սեղանի» ժամանակ, որը կազմակերպել էր «Spectrum» Ռազմավարական վերլուծությունների կենտրոնը: «Օրինակ, Վրաստանն ընդգծել է, որ ցանկանում է անդամակցել ՆԱՏՕ-ին եւ ընթանում է այդ ուղղությամբ: IPAP-ի առավելությունն այն է, որ երկրները իրենք են ընտրում այն, ինչ համապատասխանում է իրենց շահերին: Հենց երկիրն է ընտրում ՆԱՏՕ-ի հետ համագործակցության առաջնայնությունները»,-նշել է Ռ.Սիմոնսը: Նրա խոքերով, IPAP-ը նախատեսում է ՆԱՏՕ-ի անդամների աջակցությունը Դաշինքի գործընկերներին` նրանց կողմից դրված նպատակներին հասնելու համար: Ռոբերտ Սիմոնսը դրական է գնահատել ՆԱՏՕ-ի ներգրավումը Հարավային Կովկասում եւ Կենտրոնական Ասիայում: «ՆԱՏՕ-ի մասնակցությունը Հարավային Կովկասում կարող է շատ օգտակար լինել տարածաշրջանի երեք երկրների անվտանգության առումով: Շատ կարեւոր է, որ ՆԱՏՕ-ի գործընկեր-երկրների հարաբերությունները նորմալանան եւ անհրաժեշտ է ուշադրությունը սեւեռել խաղաղապահ առաքելությունների եւ այդ գործողություններում բազմակողմանի ռազմական ուժի վրա»,-ավելացրել է ՆԱՏՕ-ի գլխավոր քարտուղարի հատուկ ներկայացուցիչը: Օրինակ, նշել է նա, ՆԱՏՕ-ի մասնակցությունը օգնեց կարգավորել հակամարտությունը Ռուսաստանի եւ Վրաստանի միջեւ: Մեկնաբանելով հայ-թուրքական հարաբերությունները` Ռ.Սիմոնսը հայտարարել է.«Մենք գիտենք, որ Հայաստանը լուրջ խնդիրներ ունի Թուրքիայի հետ: Թուրքիան ՆԱՏՕ-ի անդամ է, սակայն մենք գտնում ենք, որ ՆԱՏՕ-ն պետք է օգտագործվի որպես ֆորում առկա խնդիրները լուծելու համար»: Բացի այդ, Ռ.Սիմոնսը ընդգծել է , որ Հայաստան-ՆԱՏՕ համագործակցության կարեւոր մաս է կազմում տեղեկատվական ծրագրի մշակումը: Հարավային Կովկասում ՆԱՏՕ-ի կապի սպայի մանդատը նախատեսում է նաեւ տեղեկատվական գործունեություն, քանի որ տարածաշրջանի երկրների, այդ թվում Հայաստանի հանրությունը պետք է լավ իրազեկված լինի ՆԱՏՕ-ի գործունեության եւ Դաշինքի գործընկեր-պետությունների հետ նրա համագործակցության մասին: Այդ նպատակով կազմակերպվում են գործընկեր-երկրների ներկայացուցիչների այցելություններ Բրյուսելում ՆԱՏՕ-ի կենտրոնակայան, ինչպես նաեւ ՆԱՏՕ-ի ներկայացուցիչների այցելություններ տարածաշրջան: Բացի այդ, ավելացրել է Ռոբերտ Սիմոնսը, պայմանավորվածություն է ձեռք բերվել Հարավային Կովկասում Տեղեկատվական կենտրոն բացելու վերաբերյալ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |