Հայաստանի ազգային բալետը և ամերիկյան Bad Boys of Dance խումբը համատեղ բեմադրություն են ներկայացնում18 ապրիլի 2013 - 12:09 AMT PanARMENIAN.Net - Այսօր երեկոյան Արամ Խաչատրյանի անվան համերգասրահի բեմին համադրվելու են ժամանակակից պարն ու բալետը: Ամերիկյան Bad Boys of Dance պարային խումբը և Հայաստանի ազգային բալետը յուրահատուկ բեմադրություն են ներկայացնում: Մուտք ազատ է, տոմսերն՝ անվճար: Ներկայացումն ապրիլի 19-ին ժամը 19:00 կլինի նաև Գյումրու Աճեմյանի անվան դրամատիկական թատրոնում, իսկ ապրիլի 20-ին ժամը 19:00՝ Վանաձորի Աբելյանի անվան դրամատիկական թատրոնում: Մինչ այդ այսօր ասուլիսի ժամանակ Հայաստանի ազգային բալետի գեղարվեստական ղեկավար Ռուդոլֆ Խառատյանն ասաց. «Դասականը պահպանելը և այն զարգացնելը շատ կարևոր է: Դասականը պահպանելով, մենք կարծես թե զարկ ենք տալիս մնացած ճյուղերին»: Այս համատեղ աշխատանքը Ռուդոլֆ Խառատյանի և Bad Boys of Dance –ի հիմնադիր Ռասթա Թոմասի երկարատև մասնագիտական համագործակցության շարունակությունն է. դեռ է Վաշինգթոնի Կիրովի Բալետի ակադեմիայում Ռ.Թոմասը Խառատյանի ուսանողն է եղել ու որպես դասական պարող 2 ոսկե մեդալ ունի: «Հայաստանյան հանդիսատեսին ներկայացնելու ենք մեր լավագույն ներկայացումներից մեկը`կոչվում է Rock the Ballet: Կարծում եմ համագործակցությունը կլինի հուզիչ և կընդգծի մեր երկու երկրների և ժողովուրդների միջև մշակութային կապերի ակնառու բարձր մակարդակը»,- ասաց Ռ. Թոմասը: Ամերիկյան խումբը Հայաստանում է դեսպան Ջոն Հեֆերնի աջակցությամբ ու նա ավելացրեց, որ համագործակցությունը նաև մեծ հնարավորություն է փորձի փոխանակման համար: Իսկ փորձի փոխանակման ընթացքում ամերիկացի պարողները նկատել են` մեր պարողները մի փոքր կաշկանդված են, բայց շփումից հետո դա անցնում է: Bad Boys of Dance պարային համույթը հիմնադրվել է 2007թ. ամերիկյան պարային լեգենդ Ռաստա Թոմասի կողմից: Խումբը տարեկան մոտ 150 համերգով աշխարհի տարբեր երկրներում հանդես է եկել ավելի քան կես միլիոն երկրպագուների առաջ: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |