Ռոբերտ ֆոն Ռեկովսկի. Ներդրումային շուկան Հայաստանում զարգացման լավ հեռանկարներ ունի22 ապրիլի 2013 - 18:07 AMT PanARMENIAN.Net - Ներդրումային առումով Հայաստանի շուկան բնութագրվում է որպես զարգացող, որտեղ վերջին տարիներին աճ է գրանցվում ըստ առանձին ճյուղերի: Ապրիլի 22-ին Երևանում լրագրողների հետ հանդիպմանը նման գնահատական տվեց հեղինակավոր միջազգային մասնագետ, Ամերիաբանկի Տնօրենների խորհրդի անկախ անդամ Ռոբերտ ֆոն Ռեկովսկին: Մասնագետը Երևան է ժամանել «Ամերիաբանկ» ՓԲԸ հրավերով, իր հարուստ փորձն ու գիտելիքները կիսելու համար հայ գործարարների հետ, ինչպես նաև կորպորատիվ կառավարման և բիզնես-հնարավորությունների լավագույն փորձի վերաբերյալ իր գիտելիքները: Ռոբերտ ֆոն Ռեկովսկին եղել է «Հայաստան 2020» նախագծի Համակարգող խորհրդի անդամ: Գնահատելով որպես ներդրումային երկիր կայացման 10-ամյա փորձը, տակավին թույլ զարգացած կապիտալի շուկայով, փորձագետը ասաց, որ Հայաստանում զարգացման լավ հեռանկարներ ունի: Ինչ վերաբերում է կորպորատիվ կառավարման համակարգի ներմուծմանը, ապա «այն կձևավորվի այն ժամանակ, երբ բանկայինից տարբեր, լրացուցիչ ֆինանսավորման պահանջարկ առաջանա կորպորատիվ պարտաշուկայի ու բաժնետոմսերի հաշվին»: Ռոբերտ ֆոն Ռեկովսկին նշեց, որ կապիտալի շուկայի զարգացմանը կնպաստի երկրում ներդրվող նոր կուտակային կենսաթոշակային համակարգը, որի արդյունավետ գործարկման համար Հայաստանը կարող է ուսումնասիրել Չիլիի, Լեհաստանի, Ռուսաստանի փորձը, որտեղ այդ բարեփոխումները հաջողվել են: Հյուրի մասնակցությայամբ այսօր քննարկումներ են ընթանում «Գլոբալ տնտեսական հեռանկարները և զարգացող շուկաները» թեմայով: Միջոցառմանը մասնակցում են ԿԲ փոխնախագահ Ներսես Երիցյանը, Միջազգային ֆինանսական կորպորցիայի Կովկասի գծով տարածաշրջանային տնօրեն Տոմաս Լյուբեկը, այլ պետկառույցների ներկայացուցիչներ: Ռոբերտ ֆոն Ռեկովսկին Ամերիաբանկի Տնօրենների խորհրդի անկախ անդամ լինելուց բացի, հանդիսանում է Fidelity Investments ընկերությունում Emerging Markets Strategy-ի (որն աջակցում է զարգացող երկրների կապիտալի և ֆիքսված եկամտով գործառնությունների շուկաների բաժիններին) փոխնախագահը: Նախքան իր ներկա պաշտոնը զբաղեցնելը, Ֆոն Ռեկովսկին մեկ տասնամյակ շարունակ կառավարել է ամերիկյան, կանադական և միջազգային այլ ներդրողների մի շարք ինստիտուցիոնալ և մանրածախ ներդրումային հիմնադրամներ` զարգացող շուկաներում: Ի թիվս այլ պաշտոնների, նա Բոստոնի արտաքին հարաբերությունների կոմիտեի, Բոստոնի տնտեսագիտական ակումբի (Boston Economic Club) և World Boston-ի անդամ է: Fidelity Investments-ը ֆինանսական ծառայությունների շուկայում աշխարհի խոշորագույն ընկերություններից է, որի կառավարման տակ գտնվող ակտիվները 2012թ. դեկտեմբերի դրությամբ կազմում էին շուրջ 1,4 տրիլիոն ԱՄՆ դոլար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |