  Հունիսի 10-11-ին փաստաբանները գործադուլ կանեն` բողոքելով Վճռաբեկ դատարանի գործելակերպի դեմ 25 մայիսի 2013 - 16:37 AMT PanARMENIAN.Net - Փաստաբանների պալատի փաստաբանները հունիսի 10-ին և 11-ին կրկին գործադուլ են անելու` բողոքելով Վճռաբեկ դատարանի գործելակերպի դեմ: Այս մասին այսօր ասուլիսի ժամանակ ասաց փաստաբան Հայկ Ալումյանը: Փաստաբանների խոսքով, Վճռաբեկ դատարանը բողոքներն առանց պատճառաբանության կամ ոչինչ չասող պատճառաբանությամբ վերադարձնում է, բողոքի քննությունը և որոշումը ուշացած է ուղարկում: Փաստաբանի կարծիքով` խնդիրը օրենքի սխալ կիրառության մեջ է, իրենք պահանջում են մոտեցումների փոփոխություն, բայց, հարկ եղած դեպքում նաև օրենսդրական փոփոխություններ: Իսկ եթե այսպես շարունակվի, պետք է գիտակցել, որ տուժում է նաև ՀՀ հեղինակությունը: Վճռաբեկ դատարանի գործելակերպի պատճառով քաղաքացիները դիմում են Մարդու իրավունքների եվրոպական դատարան, ևՄԻԵԴ-ն էլ հիմնականում որոշումը կայացնում է ընդդեմ ՀՀ, իսկ պետությունը ստիպված է իր բյուջեից վճարել քաղաքացուն: Փաստաբանները տեղեկացրեցին, որ իրենց հայտարարության տակ ստորագրել է 50 փաստաբան, բայց մինչև հունիսի 10-ը շատերը կմիանան: Հիշեցնենք, որ 2012 թվականի հունիսի 11-ին ևս մոտ 500 փաստաբան մեկօրյա գործադուլով բողոքել են Վճռաբեկ դատարանի գործելակերպի դեմ, բայց, իրենց խոսքով, անարդյունք:   Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարներըԱռողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |
