ՀՀ ԿԲ. Տնտեսական աճը Հայաստանում 1 տոկոսով ցածր կլինի պետբյուջեով նախատեսվածից

11 հունիսի 2013 - 16:20 AMT

PanARMENIAN.Net - Ըստ Հայաստանի Կենտրոնական բանկի կանխատեսումների, տնտեսական աճը Հայաստանում 1 տոկոսով ցածր կլինի պետբյուջեով նախատեսվածից: Այդ մասին հունիսի 11-ին տեղի ունեցած մամլո ասուլիսում հայտարարել է ՀՀ ԿԲ դրամավարկային քաղաքականության վարչության պետ Արթուր Ստեփանյանը: Սակայն, ըստ նրա, եթե կառավարությանը հաջողվի արդյունավետ իրականացնել արտահանման խթանմանը միտված ծրագիրը, կարելի է ավելի մեծ ցուցանիշ ակնկալել:

2013թ. բյուջեով տնտեսական աճը Հայաստանում նախատեսված է 6,2 տոկոսի չափով, իսկ գնաճը՝ 4±1,5%:

Ելույթ ունենալով նոր կառավարության նիստում՝ նախագահ Սերժ Սարգսյանը հանձնարարել է ՀՀ կառավարությանը ապահովել 7 տոկոս տնտեսական աճ՝ ապահովելով նաև որակական փոփոխություններ:

Ինչպես նշել է փորձագետը, գազի ու էլեկտրաէներգիայի սակագների թանկացումը տեսանելի կդառնա 2013թ. ավարտին, 2014-ի առաջին եռամսյակում, երբ կբարձրանան բնակչության ծախսերը: Ըստ նրա, այդ շրջանում հանրապետությունում կգրանցվի տնտեսական աճի ամենացածր ցուցանիշը՝ 4 տոկոսի սահմանում, որից հետո կսկսվի նրա հետևողական աճը:

Ըստ ՀՀ ԿԲ զեկույցի, 2013թ. առաջին եռամսյակում տնտեսական աճը կանխատեսվում է 7,4-7,7 տոկոսի սահմաններում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով