Ֆրանսիայի ԱԳՆ ղեկավար. Փարիզը գնահատում է Թուրքիայում Հայոց ցեղասպանության շուրջ ծավալված հասարակական երկխոսությունը 3 փետրվարի 2006 - 13:11 AMT PanARMENIAN.Net - «Ֆրանսիայում Հայաստանի տարվան հաջորդելու է Թուրքիայի տարին», - Թուրքիա կատարած պաշտոնական այցի ավարտին հայտարարել է Ֆրանսիայի արտգործնախարար Ֆիլիպ Դուստ-Բլազին: Այցի ժամանակ Թուրքիայի եւ Ֆրանսիայի արտգործնախարարները քննարկել են Իրանի միջուկային ծրագրի հանդեպ Թուրքիայի որդեգրած դիրքորոշումը, իսրայելապաղեստինյան հակամարտությունը, Եվրամիության ընդարձակմանն ու Հայոց ցեղասպանությանը վերաբերող հարցեր: Խոսելով Ֆրանսիայում ընդունված Հայոց ցեղասպանությունը դատապարտող օրինագծի մասին, Ֆիլիպ Դուստ-Բլազին ասել է. - «Այդ խնդիրը մարդկանց հուզում է նույնքան, որքան պատմաբաններին...Ֆրանսիան գնահատում է թուրքական հասարակության մեջ այս հարցի շուրջ ծավալվող երկխոսությունը: Հստակ է, որ 2001 թվականին Ֆրանսիայում ընդունված օրենքը արտացոլում է հասարակության վերաբերմունքը` 1915 թվականին տեղի ունեցած ողբերգության նկատմամբ»,-նշել է նա: Ֆրանսիայի կառավարության ներկայացուցչը, չնայած երկու երկրների միջեւ վերջերս սրված հարաբերություններին, այցի ընթացքում բավական ջերմորեն է խոսել թե երկու երկրների հարաբերությունների, թե Թուրքիայում իրականացվող բարեփոխումների, եւ թե Եվրամիությանն անդամակցելու այդ երկրի հնարավորության մասին: Ինչպես գրում է թուրքական «Թրքիշ դեյլի նյուս»-ը, թուրք վերլուծաբանները հակված չեն գերգնահատելու պաշտոնական Փարիզի կողմից ցուցաբերվող «ջերմացումը», չնայած այն փաստին, որ Ֆրանսիան թվով հինգերորդ է Թուրքիայում կատարած ներդրումներով»: «Ֆրանսիան շարունակում է ամեն կերպ աջակցել հունական Կիպրոսին եւ հայերին, իսկ 2007 թվականի նախագահական ընտրություններում հաղթելու հավակնություններ ունեցող Նիկոլա Սարկոզին առիթը բաց չի թողնում Եվրամիությանն անդամակցելու Թուրքիայի ջանքերին խոչընդոտելու համար: Սրանք խնդիրներ են, որոնք լուծում չեն ստանա մոտ ապագայում», արձանագրում են թուրք վերլուծաբանները, հաղորդում է «Ազատություն» ռադիոկայանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Փաշինյան․ Արդեն 10 օր է՝ Բաղանիս-Ոսկեպար հատվածում ՀՀ սահմանապահ զորքերն են ծառայում «Հիմա ուսումնասիրում են տեղանքը, որպեսզի արդեն այդտեղ մշտական ծառայություն իրականացնեն»,–ասել է նա Ադրբեջանում ՀՀ հանքարդյունաբերության քարտեզ են կազմել՝ ձեռնարկություններն անվանելով «ապօրինի» և մոնիտորինգի ենթակա Նշվում է, թե Հայաստանը «միտումնավոր է այդ ձեռնարկությունները տեղակայել է Ադրբեջանի հետ սահմանակից վայրերում» Բաքվի դատարանը 5 ամսով երկարացրել է նաև Ռուբեն Վարդանյանի կալանքը Դատարանը հավանություն է տվել դատախազության միջնորդությանը ՀՀ-ն Կիպրոսում դեսպանություն կբացի Նշվել է, որ դա կնպաստի Հայաստան–Կիպրոս հարաբերությունների հետագա զարգացմանը |