Ֆրանսիան նույնպես գաղտնալսմամբ է զբաղվում

PanARMENIAN.Net - Ֆրանսիան ունի գլոբալ էլեկտրոնային վերահսկման սեփական համակարգը, որը նման է ամերիկյանին, հայտնում են Le Mondе-ի լրագրողները: Նրանք նշում են, որ Ֆրանսիան բավականին թույլ ընդվզեց, երբ հայտնի դարձավ, որ ԱՄՆ հատուկ ծառայությունները տեղեկություններ են հավաքում հեռախոսազանգերի ու ինտերնտեում շփումների մասին: Ինչպես հայտնել է Digit.ru-ն, առավել մեծ ուշադրություն է դարձվել Գերմանիայի բնակչությանը: Le Mondе-ի լրագրողները գտնում են, որ դրա պատճառները երկուսն են՝ առաջինը, Ֆրանսիայում արդեն գիտեին այդ ամերիկյան համակարգի մասին, երկրորդը, ֆրանսիական հատուկ ծառայությունները իրենք էլ են վերլուծում էլեկտրոնային փոստի, sms-ների, սոցցանցերի հաղորդագրությունները և հեառխոսային հաշիվները: