Հրազդանի ՋԷԿ-ի 5-րդ էներգաբլոկը «ՀայՌուսգազարդ» ՓԲԸ-ի խոշորագույն ներդրումային ծրագրերից է25 հուլիսի 2013 - 18:12 AMT PanARMENIAN.Net - ՀՀ-ում ՌԴ արտակարգ և լիազոր դեսպան Իվան Վոլինկինը «ՀայՌուսգազարդ» ՓԲԸ Վարչության նախագահ-գլխավոր տնօրեն Վարդան Հարությունյանի հետ այսօր այցելել է Հրազդանի ՋԷԿ-ի 5-րդ էներգաբլոկ: Ի.Վոլինկինը և Վ.Հարությունյանը շրջել են կաթսատուրբինային, քիմիական, էլեկտրատեխնիկական, ջերմային չափումների եւ ավտոմատիկայի արտադրամասերում, եղել են կայանի կառավարման ավտոմատացված կենտրոնում: Ծանոթացնելով դեսպանին կայանի ընթացիկ գործունեությանը՝ Վ.Հարությունյանը ներկայացրել է նաև այն բոլոր լայնածավալ աշխատանքները, որոնք կատարվել են էներգաբլոկի շինարարության ավարտի և արդիականացման ծրագրի իրականացման փուլերում: Հատկանշվել է նաև, որ Հրազդանի ՋԷԿ-ի 5-րդ էներգաբլոկը, որի շինարարությունն իրականացվել է ռեկորդային ժամկետներում, «ՀայՌուսգազարդ» ՓԲԸ-ի խոշորագույն ներդրումային ծրագրերից է, և նորագույն տեխնոլոգիական լուծումներով եզակի կառույց է ոչ միայն Հայաստանի, այլ նաև տարածաշրջանի գազաէներգետիկ ոլորտում: 480 ՄՎտ հզորություն ունեցող էներգաբլոկը 2012 թվականի հունվարից միացված է ՀՀ էներգահամակարգին: Ներկայումս կայանը գտնվում է արդյունաբերական-փորձարարական շահագործման շրջանում և մինչ օրս արտադրել է շուրջ 1,5 մլրդ կՎտ/ժ էլեկտրաէներգիա: Դեսպանը շնորհակալություն է հայտնել «ՀայՌուսգազարդ»-ի և Հրազդանի ՋԷԿ-ի 5-րդ էներգաբլոկի ղեկավարությունից հետաքրքիր այցի համար. «Ծանոթացել եմ 5-րդ էներգաբլոկի գործունեությանը: Սա, իհարկե, ահռելի կառույց է, և ես շատ տպավորված եմ: Այն, ինչ ինձ պատմեցին այս չափազանց բարդ օրգանիզմի մասին, շատ հետաքրքիր է: Հուսով եմ, որ հետագայում ևս 5-րդ էներգաբլոկ այցելելու հնարավորություն կունենամ՝ կայանի գործունեությանն ավելի հանգամանորեն, ինչպես նաև էներգաբլոկի անձնակազմի հետ ծանոթանալու նպատակով»: Այնուհետև դեսպանը Վ,Հարությունյանի ուղեկցությամբ այցելել է Ծաղկաձորի «Ծաղկաձոր Մարիոթ» հյուրանոցային համալիր, ծանոթացել «Մարիոթ» միջազգային բարձրակարգ հյուրանոցային բրենդի չափանիշներին համապատասխան կառուցված և «Մարիոթ» ընկերության կառավարմանն անցած հյուրանոցային համալիրի պայմաններին, մատուցվող ծառայություններին և հանգստի համար ստեղծված ամենատարբեր հնարավորություններին: Դեսպանի գնահատմամբ, «Ծաղկաձոր Մարիոթ»-ը հրաշալի կառույց է, որտեղ կարելի է հանգստանալ գերազանց էկոլոգիական միջավայրում, և որտեղ ներկայացված է լիարժեք հանգստի համար նախատեսված ծառայությունների լայն շրջանակ: «Ծաղկաձոր Մարիոթ»-ն այսօր արդեն կարողացել է իր ուրույն տեղն ապահովել Հայաստանի զբոսաշրջության ոլորտի զարգացման և օտարերկրյա շուկաներում հայաստանյան զբոսաշրջային արդյունքը խթանելու գործում: Ներկայացվել է նաև, որ հյուրանոցային համալիրը զբաղվածության լուրջ խնդիր է լուծում տեղի բնակիչների համար՝ ապահովելով ավելի քան 200 աշխատատեղ: Ի դեպ, ընկերությունը խոշորագույն գործատուներից է Հրազդանի տարածաշրջանում՝ հաշվի առնելով այն հանգամանքը, որ այստեղ բացի «Ծաղկաձոր Մարիոթ»-ից գործում են նաև Հրազդանի ՋԷԿ-ի 5-րդ էներգաբլոկը և «ՀայՌուսգազարդ»-ի Կոտայքի գազաֆիկացման և գազամատակարարման մասնաճյուղը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Փաշինյանն ու Ֆրանսիայի նախկին վարչապետը խոսել են ՀՀ և Ադրբեջանի միջև խաղաղության պայմանագրից և սահմանազատումից Երևանում մեկնարկում է Ռաֆարենի նախաձեռնած «Խաղաղության շրջիկ համալսարանի» վերապատրաստման դասընթացը ԳՇ պետն ու Ֆրանսիայի ցամաքային զորքերի հրամանատարը քննարկել են գործակցության զարգացումը Ձեռք են բերվել պայմանավորվածություններ |