Թուրքիայի վարչապետը պատրաստ է հեռանալ քաղաքականությունից 6 մարտի 2014 - 14:51 AMT PanARMENIAN.Net - Նախօրեին Թուրքիայի վարչապետ Ռեջեփ Թայիփ Էրդողանն անսպասելի, սակայն միանգամայն տրամաբանական հայտարարություն է արել՝ ասելով, որ պատրաստ է հեռանալ քաղաքականությունից, եթե իշխող կուսակցությունը չհաղթի տեղական ինքնակառավարման ընտրություններում: «Հայտարարում եմ պարզ ու բացահայտ՝ եթե Ազատության ու զարգացման կուսակցությունն առաջինը չլինի առաջիկա ընտրություններում, ես պատրաստ եմ հեռանալ քաղաքականությունից»,-ասել է Էրդողանը: Էրդողանի հայտարարությունը կարելի է գնահատել որպես պարտության խոստովանություն Ֆեթուլլահ Գյուլենի հետ դիմակայության մեջ, սակայն դա պատճառներից միայն մեկն է: Անկախ տնտեսական աճի, արտաքին քաղաքականության հաջողությունների մասին հավաստիացումներից, Թուրքիան ձախողումների շղթայում է հայտնվել, և այդ ձախողումների շարանի պատճառներից մեկը Սիրիան է: Երկրորդը, ավելի լուրջը, Օբամայի վարչակազմի վերաբերմունքի փոփոխությունն է Թուրքիայի ու անձամբ Էրդողնաի հանդեպ: Եթե հավելենք նաև զանգվածային արտահոսքը ԱԶԿ շարքերից, ապա թուրք վարչապետի ապագան խնդրահարույց է թվում: Ճիշտ է, չի բացառվում, որ Էրդողանը կարող է առաջադրվել նախագահի պաշտոնում, սակայն արդեն ոչ թե իր կուսակցության կողմից, այլ որպես անկախ թեկնածու: Նույն Էրդողանը հայտարարել է, որ նախագահական ընտրությունները ԱԶԿ օրակարգում չեն և պետության նախագահ Աբդուլլահ Գյուլը դեռ կարող է շարունակել կատարել իր պարտականությունները: Ինչպես գրում է Milliyet-ը, Էրդողանը, պատասխանելով այն հարցին, թե նախաձեռնելու է արդյոք փոփոխություններ ԱԶԿ կանոնադրության մեջ, վերընտրվելու համար խորհրդարանում չորրորդ անգամ, նշել է, որ ԱԶԿ-ն, հավանաբար, կգնա այդ քայլին, սակայն ինքը երեք ժամկետներից հետո գերադասում է հանգստի անցնել, իսկ հետո նորից աշխատել: Փաստորեն, Էրդողանն ապահովագրում է «թիկունքը» քաղաքականությունից վերջնականապես հեռանալու համար, ինչը միանգամայն հավանական է: Նշենք, որ ընտրություններում հիմնական պայքարը կընթանա ԱԶԿ ու ԺՀԿ միջև: Կուսակցության առաջնորդ Քեմալ Ղըլիչդարօղլուն մշտապես քննադատում է իշխող կուսակցությանը, իսկ «Մեծ կաշառքի» հետ կապված սկանդալից հետո ճնշումն էլ ավելի է ուժեղացել, առավել ևս, որ ԱԶԿ շարքերը լքած անդամների մեծ մասը անդամակցել է Ժողովրդական հանրապետական կուսակցությանը: Ինչով էլ ավարտվեն տեղական ինքնակառավարման ընտրությունները Թուրքիայում, որոնք կայանալու են մարտի 30-ին, կարելի է խոսել Էրդողանի դարաշրջանի մայրամուտի մասին: Կշահի՞ արդյոք դրանից թուրքական պետությունը: Հավանաբար, այո: Կարինե Տեր-Սահակյան / PanARMENIAN.Net Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |