Հայաստանի գազամատակարարումը վերականգնվել է23 մայիսի 2014 - 17:08 AMT PanARMENIAN.Net - Բնական գազի առաքումը Հայաստան վերսկսվել է, տեղեկացնում է «Գազպրոմ Արմենիա» ընկերության մամուլի ծառայությունը: Մայիսի 17-ին Վրաստանի գազատրանսպորտային ընկերությունը պաշտոնապես տեղեկացրել էր «Գազպրոմ Արմենիա» ՓԲԸ-ին, որ ժամը 10:30-ից Հայաստան բնական գազի մատակարարումը ժամանակավոր դադարեցնելու մասին Վրաստանի տարածքում մայրուղային գազատարի վրա տեղի ունեցած վթարի պատճառով: Այդ մասին հայտնել էին «Գազպրոմ Արմենիա» ՓԲԸ-ում՝ հավելելով, որ սպառողների գազամատակարարումը կիրականացվի ողջ ծավալով՝ առանց սահմանափակումների: «Հյուսիս-Հարավ» գազամուղի վթարը տեղի էր ունեցել սողանքի պատճառով Վրաստանի Դարյալի կիրճում, հայտնել է Վրաստանի կառավարությունը: Դարյալի կիրճը գտնվում է Թերեկ գետի հովտում, այդ վայրով է անցնում Ռուսաստանն ու Անդրկովկասի երկրները կապող մայրուղին: «Տեղում աշխատել են արտակարգ իրավիճակների ծառայության բրիգադները, պարեկային ոստիկանությունը, բուժօգնության բրիգադներ: Փրկարարներ են ժամանել Թբիլիսիից»,-ասվում էր Վրաստանի կառավարության հայտարարության մեջ: Սողանքի հետևանքով փակվել էր Թերեկ գետի հունը: Հյուսիսային Օսեթիայի ԱԻՆ-ը հեղեղման վտանգի պատճառով խորհուրդ տվեց Էզմի, Չմի և Ներքին Լարս ավանների բնակիչներին հեռանալ տներից: Մայիսի 18-ին բնակիչներին թույլատրվեց վերադառնալ իրենց տները: Սողանքի հետևանքով երեք բանվոր է զոհվել: Անհայտ կորածների մասին տվյալները տարաբնույթ են: Ըստ Հյուսիսային Օսեթիայի ԱԽ ղեկավար Վիտալի Զանգիոնովի, անհայտ կորածների թվում վեց ռուսաստանցիներ կան, այդ թվում Ստավրոպոլի երկրամասի 5 բնակիչ և Հյուսիսային Օսեթիայի մեկ բնակիչ: Ըստ նրա, Ռուսաստանը Անդրկովկասի երկրների հետ կապող ավտոմայրուղին փակ կլինի 1-1,5 ամսվա ընթացքում: Նա նշել է, որ ժամանակ է հարկավոր փլուզումից ճանապարհը մաքրելու համար: Այդ տեղեկությունը հաստատել են նաև Վերին Լարս անցակետում: «Այժմ Դարյալի կիրճում սողանքի հետևանքով փլուզման մաքրման աշխատանքներ են տարվում»,-ասել է նա, հայտնում է «Կովկասյան հանգույցը»: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |