Վրաստանի ու Թուրքիայի միջեւ տարաձայնություններ են ծագել Կարս-Բաքու երկաթգծի նախագծի առումով

6 հունիսի 2006 - 15:03 AMT

PanARMENIAN.Net - Վրացական կողմի մոտ որոշակի թերահասկացում կա` Բաքու-Թբիլիսի-Ախալքալաք-Կարս երկաթուղային հաղորդակցության նածագծման շրջանակներում: Այդ մասին հայատարարել է «Վրացական երկաթգիծ» ՍՊԸ-ի տնօրեն Իռակլի Էզուգբայան: Նրա խոսքերով, դժգոհությունները վերաբերում են Թուրքիային ու կապված են նախագծի տեխնիկական-տնտեսական հիմնավորման հետ: Հունիսի սկզբին նախատեսված երեք երկրների տրանսպորտի նախարարների հանդիպումը, որի ընթացքում նախատեսվում էր Բաքու-Թբիլիսի-Ախալքալաք-Կարս երկաթուղային հաղորդակցության նախծագծի մանրամասների քննարկում անցակցնել, հետաձգվել է մինչեւ հունիսի վերջ եւ անցնելու է Թբիլիսիում:

Կողմերն այդ հանդիպման ժամանակ կքննարկեն ֆինանսավորման ծրագիրը: Ադրբեջանը պատրաստվում է Վրաստանին առաջարկել ստեղծել ՀԸ, որի միջոցով հնարավոր կլինի ղեկավարել տարիֆները, Վրաստանի բաժինը եւ այլն: Բացի այդ, կողմերը կքննարկեն թուրքական «Յուքսե Դոմինաչիի» կողմից ներկայացված ՏՏՀ-ն: Այդ ընկերությունը հաղթել էր Թուրքիայի տրանսպորտի նախարարության կողմից հայտարարված տենդերում:

Թբիլիսին, մասնավորապես, համաձայն չէ «Յուքսե Դոմինաչիի» մշակած ՏՏՀ-ում նշված Բաքու-Թբիլիսի-Ախալքալաք-Կարս բեռնափոխադրումների կանխատեսումների հետ: «Եթե թուրքական կողմը հնարավորություն չունի մշակել նախագծի տեխնիկական-տնտեսական հիմնավորումը, ապա դա կարող է անել Վրաստանը»,- հայտարարել է Ի. Էզգուբայան, հայտնում է «Թրենդը»: