Ադրբեջանը կարող է համաձայնվել «Տրիեստի տարբերակի» հետ15 հունիսի 2006 - 18:48 AMT PanARMENIAN.Net - Թվում է` Լեռնային Ղարաբաղի խնդիրը երկրորդ պլան է մղվում, եւ նույնիսկ երրորդ պլան ադրբեջանական հասարակության առաջնակարգ հարցերի համակարգում, ասվում է Բաքվի «Զերկալո» թերթի խմբագրական հոդվածում: Հակառակ դեպքում, գտնում է հոդվածի հեղինակը, ադրբեջանական հասարակությունը անուշադրության չէր մատնի երկրի արտգործնախարարի հայտարարությունը` հնչած անցյալ շաբաթ` Բուխարեստում երկու երկրների նախագահների հանդիպումից անմիջապես հետո: Էլմար Մամեդյարովը հայտարարեց, որ «խաղաղ կարգավորման հույսը պահպանվում է եւ պատրաստվում ենք շարունակել մեր ջանքերը այդ ուղղությամբ»: Միեւնույն ժամանակ, Է. Մամեդյարովը նշեց, որ տնտեսական ինքնավարության հարցում ադրբեջանական կողմը չի բացառում Տրիեստի տարբերակի կիրառումը, որը եւս լայն ինքնավարություն է ունեցել:«Տրեստի ազատ տարածքի» Կանոնադրության համաձայն Ազատ տարածքի ամբողջականությունն ու անկախությունը ապահովվում են Միավորված Ազգերի Միության Անվտանգության Խորհրդի կողմից: Ազատ տարածքը կունենա իր դրոշն ու զինանշանը: Ազատ տարածքի կառավարումը իրականացնելու է նահանգապետը, Կառավարության խորհուրդը, Ազգային ժողովը, որ ընտրվելու է Ազատ տարածքի ժողովրդի կողմից եւ դատական գերատեսչությունը: Նահանգապետը նշանակվելու է ՄԱԿ ԱԽ-ի կողմից Յուգոսլավիայի եւ Իտալիայի կառավարությունների հետ խորհրդատվություններից հետո: Նա չի կարող լինել Յուգոսլավիայի, Իտալիայի կամ Ազատ տարածության քաղաքացի: Նահանգապետը իրավունք կունենա արգելել ուժի մեջ մտնել արտաքին քաղաքկանության այն պայմանագրերին եւ համաձայնագրերին, որոնք ըստ իր կարծիքի հակասում են Ազատ տարածքի Սահմանդրությանն ու Կանոնադրությանը եւ օրենքներին: Ազատ տարաքծը կունենա իր սեփական դրամային համակարգը: Ազատ տարածքը կազատվի իտալական պետությանը պարտք վճարելուց: «Խաղաղ համաձայնագրի բոլոր կետերը, այդ թվում մեզ հետաքրքրող «Տրիեստի ազատ տարածքի» ստեղծման մասով, հիմնված են «ստեղծված իրականության վրա», ինչին այդքան հաճախ հղում է կատարում հայկական կողմը Լեռնային Ղարաբաղի հակամարտության հարցում: Ադրբեջանի ԱԳՆ-ն կեղծում է, երբ պնդում է, որ Տրիեստի տարբերակը ենթադրում է լայն ինքնավարություն: Եթե պաշտոնական Բաքուն համաձայնի այդ տարբերակի օգտագործմանը ղարբաղյան հակամարտության հարցում, ապա դա նշանակում է Ադրբեջանը հրաժարվում է Լեռնային Ղարաբաղի նկատմամբ իշխանությունից: Բանակցություններին մոտ գտնվող որոշ շրջանակներ ասում են, որ պաշտոնական Բաքուն պնդում է, որ «նահանգապետը» նշանակվի Ադրբեջանի եւ ազատ տարածքի իշխանությունների ու խաղաղ համաձայանգրերի երաշխավոր հանդիսացող միջազգային կամզակերպությունների հետ խորհրդատվություններից հետո: Այսինքն, պաշտոնական Բաքվում ցանակնում են գոնե որոշակի իշխանություն ունենալ Լեռնային Ղարաբաղի նկատմամբ, Մեծ Բրիտանիայի եւ իր մի շարք նախկին գաղութների օրինակով»,- ամփոփում է հոդվածի հեղինակը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |