Հայերն Instagram-ի լուսանկարները տպող սարք են հորինել. Ասում են՝ աշխարհում նմանը չկա 5 դեկտեմբերի 2014 - 12:23 AMT PanARMENIAN.Net - Ռուսաստանաբնակ հայ ձեռներեցներ Թոս Մովսիսյանն ու Արտեմ Գարմերյանը Instagram-ի լուսանկարները տպող սարք են հորինել: Ասում են՝ աշխարհում նմանը չկա, գրում է «Վեդոմոստի» թերթը: Ինչպես ասվում է հրապարակման մեջ, Instagram-նամենադրական սոցցանցն է: Լուսանկարներն Instagram-ում միշտ էմոցիաների արտահայտում են, և լավ կլիներ դրանք նյութականացնել, որոշեցին մոսկվաբնակ Թոս Մովսիսյանն ու պետերբուրգցի Արտեմ Գարմերյանը: Նրանք ստեղծել են Boft ավտոմատ սարքը, որը թղթի վրա քառակուսի լուսանկարներ է տպում անմիջապես օգտատերի պրոֆիլից. վերջինս բացվում է մեծ սենսորային ցուցանակի վրա: Երկու լուսանկարների տպագրման արժեքը 50 ռուբլի է, չորսինը՝ 100 ռուբլի, 20 լուսանկարի համար հարկ կլինի վճարել 500 ռուբլի: Ինչպես խոստովանում են ձեռներեցները, իրենց ակնկալիքներն ավելի շատ կապված էին աղջիկների հետ, քանի որ հենց նրանք են առավել ակտիվ լուսանկարներ տեղադրում սոցցանցերում: Boft նախագծի հեղինակները ճակատագրի բերումով հանդիպեցին Լապեենռանտեի Տեխնոլոգիական ինստիտուտում, ուր Մոսկվայի Պլեխանովի անվան տնտեսագիտական համալսարանի ուսանող Թոս Մովսիսյանն ու Պետերբուրգի ինժեներատնտեսականի ուսանող Արտեմ Գարմերյանը եկել էին սովորելու իրենց բուհերի ուղեգրով: «Իսկ էլ որտե՞ղ կարող էին հանդիպել ռուսալեզու հայերը, եթե ոչ Ֆինլանդիայում»,- նշում է Մովսիսյանը: Յուրաքանչյուրս արդեն ունեինք օնլայն բիզնեսի փորձ: Հետո նրանցից յուրաքանչյուրն իր քաղաք է մեկնել, բայց շփումը շարունակվել է: Տարբեր գաղափարներից, որ նրանք միշտ քննարկում էին, «ծնվել» է նաև Instagram լուսանկարները տպելու սարքի ստեղծման միտքը: Տղաները մոը 200.000 դոլարի ներդրում են արել: Մոտ մեկ տարի է պահանջվել ծրագրային ապահովման մշակման համար, բուն սարքի ստեղծման, մասերը հավաքելու ու այն ընկերության որոնումների, որը կարտադրեր անհրաժեշտ սարքավորումները: Արտադրությունն որոշեցին բացել Լենինգրադի շրջանում: «Նախագծի բարդությունն այն է, որ առցանց չէ,- ասում է Մովսիսյանը: -Այն չի կարելի լրամշակել ու փորձարկել տանը բազմոցին նստած: Նման նախագծի համար ավելի շատ ժամանակ կպահանջվի»: Առաջին Boft սարքն արտադրվել է «Ֆլակոն» գործարանում 2014-ի ապրիլին: Երբ ձեռներեցներն արդեն իրական սարքն ունեին, գործն ավելի հեշտ է առաջ գնացել: «Գործընկերները շարունակում են տարբեր քաղաքներում ապրել: Արտեմը զարգացնում է նախագիծը Պետերբուրգում, Թոսը՝ Մոսկվայում: Վերջին անգամ նրանք տեսնվել են մայիսին, ցանցում ամեն օր են շփվում: Վստահեցնում են, որ բիզնեսին դա չի խանգարում»,- գրում է «Վեդոմոստին»: Instagram-ը հավելված Է լուսանկարների եւ տեսագրությունների փոխանակման համար, որը ստեղծվել Է 2010 թվականին: 2013 թվականի սեպտեմբերին ընկերությունը հայտարարեց, որ հավելվածն ամսական ունի ավելի քան 150 միլիոն ակտիվ օգտատեր: Instagram-ն ունի ֆոտոմեսենջերի Bolt հավելված, որը լուսանկարների և տեսանյութերի արագ փոխանակման մեսենջեր-ծառայություն է: Հաղորդագրությունը դիտելուց հետո բովանդակությունն ավտոմատ ջնջվում է հավելվածից: Հավելվածը հասանելի է Android և iOS ՕՀ-ների համար, 2013-ի նոյեմբերի 21-ին հայտնվեց Instagram Beta-ն Windows Phone-ի համար: 2012-ի ապրիլին Instagram-ը գնեց Facebook ընկերությունը՝ վճարելով 300 մլն դոլար դրամական միջոցներվ և 23 մլն բաժնետոմսերով: Photo: Vedomosti.ru Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը Շոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու Կիրանցում ցուցարարներին միացած զինվորականների նկատմամբ քրվարույթ է նախաձեռնվել 2 զինծառայող տեսաուղերձում ասում է, որ գնացել են Կիրանց պահի ազդեցության տակ և զղջում են կատարվածի համար Թաթոյան․ Հոգևորականները մարդկանց հետ են, քանի որ դա է բխում հոգևորականի էությունից Բագրատ Սրբազանն ասել է, որ սա ստի և ճշմարտության պայքար է, և ճշմարտությունը պետք է հաղթի |